१४ कार्तिक २०८३, शुक्रबार
राज शाही शुक्रबार, कार्तिक १४, २०८३ मा प्रकाशित
तिब्बती भाषा अध्ययनका लागि कञ्चनपुरको गड्डाचौकी नाका हँदै भारतको देहरादुन लैजादै गरिएका २५ जना बालबालिकालाई सीमा क्षेत्रबाट उद्धार गरी शान्ति पुनस्थापना गृह गडाचौकि महेन्द्रनगरमा राखिएको थियो । सामुदायिक विकास के न्द्र डोटीको आर्थिक सहयोगमा शान्ति पुनस्थापना गृह र जिल्ला प्रहरी कार्यालय टोलीले कार्तिक १२ गते सुरक्षित रूपमा हुम्ला पुर्याइएको थियो ।
उद्धार गरिएका बालबालिकामध्ये हुम्लाको सिमकोट गाउँपालिकाका २२ जना, खार्पनाथ गाउँपालिकाका २ जना र अछामको साफेबगर नगरपालिकाका १ जना रहेका छन् । बालबालिकालाई सुरक्षित रूपमा घरपरिवारसम्म पुर्याई पारिवारिक पुनर्मिलन गराउने कार्यमा सामुदायिक विकास केन्द्र डोटीले आर्थिक तथा अन्य आवश्यक सहयोग उपलब्ध गराएको छ ।
यस क्रममा संस्थाले बालबालिका तथा अभिभावकको यातायात र खानाका लागि रु. १ लाख ९५ हजार तथा बालबालिकाका लागि न्यानो कपडा खरिद गर्न रु. १४ हजार ५ सय ५० गरी जम्मा रु. २ लाख ९ हजार ५ सय ५० बराबरको सहयोग उपलब्ध गराएको सामुदायीक विकास केन्द्र हुम्लाका संयोजक निराजन बुढाले बताएका छन्।आज जिल्ला प्रहरी कार्यालय हुम्लामा सिमकोट गाउँपालिकाका प्रतिनिधिको रोहवरमा बालबालिकालाई अभिभावकको जिम्मा लगाइएको छ ।
नेपालमा मानव बेचबिखन तथा ओसारपसारलाई एक गम्भीर र अक्षम्य अपराध मानिन्छ। नेपालको कानूनमा मानव बेचबिखन तथा ओसारपसार (नियन्त्रण) ऐन, २०६४ बमोजिम यस अपराधमा संलग्न व्यक्तिहरूलाई कसूरको प्रकृति हेरी कडा सजायको व्यवस्था गरिएको छ ।
कुनै पनि उद्देश्यले मानिस किन्ने वा बेच्ने कार्य गरेमा २० वर्ष कैद र २ लाख रुपैयाँ जरिबाना हुने कानून व्यवस्था रहेको छ । कुनै प्रकारको फाइदा लिई वा नलिई कसैलाई जवर्जस्ती वेश्यावृत्तिमा लगाएमा १० वर्ष देखि १५ वर्षसम्म कैद र ५० हजारदेखि १ लाख रुपैयाँसम्म जरिबाना हुने व्यवस्था रहेको छ ।
प्रचलित कानून बमोजिम बाहेक मानिसको अङ्ग (जस्तै: मिर्गौला, छाला आदि) झिकेमा वा झिक्न लगाएमा १० वर्ष कैद र २ लाख देखि ५ लाख रुपैयाँसम्म जरिबाना तोकिएको छ ।वेश्यावृत्तिमा लागेकी/लागेका व्यक्तिसँग यौन सम्बन्ध राखेमा वेश्यागमन गरेमा १ महिनादेखि ३ महिनासम्म कैद र २ हजारदेखि ५ हजार रुपैयाँसम्म जरिबाना हुने कानून व्यवस्था रहेको छ ।
किन्ने, बेच्ने वा वेश्यावृत्तिमा लगाउने उद्देश्यले मानिसलाई नियन्त्रणमा लिने, स्थानान्तरण गर्ने वा विदेश लैजाने कार्य गरेमा कसूरको अवस्था अनुसार १० देखि १५ वर्षसम्म कैद र जरिबाना हुने कानूनी व्यवस्था रहेको छ ।
बालबालिकालाई उद्धार गरी पारिवारिक पुनर्मिलन र कानूनी व्यवस्था
सामुदायिक विकास केन्द्रद्धारा विद्यालयलाई आवश्यक सामाग्री सहयोग
दसैँ, तिहार र छठलाई लक्षित गर्दै हुम्लामा विशेष सुरक्षा योजना लागु
