१३ बैशाख २०८२, शनिबार
राज शाही आइतबार, जेठ ०९, २०७८ मा प्रकाशित
हुम्ला
जिल्ला अस्पतालबाट दक्षिणी हुम्लाका गाउँपालिकामा कोरोनाको अबस्थाको अनुगमन गर्न चिकीत्सकको टोली गाउँपालिकातर्फ लागेको छ । कोरोना संक्रमणका बारेमा मापदण्ड अनुसार चेकजाँच र उपचार भए नभएको बुझ्न चिकीत्सकको टोली गाउँतर्फ लागेको हो ।
कोरोना संङ्क्रमितको उपचार, क्वारिन्टीन र आइसोलेशनको अबस्था अनुगमन र स्वास्थ्यकर्मीलाई कोरोना उपचार र ल्यापका कर्मचारीलाई कोरोना परिक्षण सम्वन्धि तालिमको व्यवस्थाका लागि चिकीत्सक कैलाश लामाको नेतृत्वमा टोली गाउँतर्फ लागेको अस्पतालका चिकीत्सक टासी आङ्जु लामाले जानकारी दिएका छन् । चिकीत्सकको टोली गाउँगाउँमा जानका लागि माग भएपछि सो टोली खटाईएको हो ।
टोलीले दक्षिणी क्षेत्रका सर्केगार्ड, चंखेली, अदानचुली र ताँजाकोट गाउँपालिकामा पुगेर अनुगमन गर्ने लामाले बताएका छन । टोलीले कोरोना संङ्क्रमितका साथै अन्य बिरामीको समेत उपचार गर्ने उनले बताए ।
कोरोना संङ्क्रमणको दोस्रो लहर चलेपछि गाउँगाउँमा पहिलो पटक चिकीत्सको टोली लागेको हो । यसअघि गाउँपालिकाका स्वास्थ्यकर्मीबाट कोरोना चेकजाँच र संङ्क्रमितको उपचार हुँदै आएको थियो । चिकीत्सकको टोली पुग्ने चार वटै गाउँपालिकामा कोरोना संङ्क्रमित रहदै आएका छन् ।
टोलीमा चिकीत्सक राज कुमार श्रेष्ठ र ल्यावका स्वास्थ्यकर्मी सहित चार जनाको सहभागिता रहेको छ । तीन दिन अगाडी गाउँपालिकातर्फ जाने चिकीत्सकको टोली वर्षाको कारण रोकिएको थियो ।
बन्द हुदै आएको कर्णाली करिडोरको बोक्चेगौडा सडक आजबाट खुल्ला
एकिकृत सामुदायिक बिकास परियोजना ब्यबस्थापन समिति गठन
हुम्ला जिल्ला अदालतद्धारा अर्ध न्यायिक निकायहरूको अनुगमन कार्यलाई तिव्र
