१३ बैशाख २०८२, शनिबार
राज शाही शुक्रबार, फाल्गुण ०५, २०७९ मा प्रकाशित
हिमाली जिल्ला हुम्लाका सुख्खा डाँडा पाखा सँगै व्यक्तिगत बाँजो जग्गालाई हरियाली बनाउने उद्देश्यका साथ विभिन्न जातका बोटविरुवाहरु वितरण गरिएको छ । उक्त विरुवा डिभिजन वन कार्यालय सिमकोट हुम्लाले वितरण गरेको हो ।
हुम्ला जिल्लाको सिमकोट गाउँपालिका भित्र सँगै जिल्ला वन कार्यालयमा विभिन्न जातका बोटविरुवा लगाउने इच्छाराखी माग भएका निवेदन अनुसार आज ढटेलो, ओखर, लेख बैस, चुली लगाएतका विरुवा निशुल्क वितरण गरिएको सोही कार्यालयका निमित्त कार्यालय प्रमुख लोकजंग शाहीले बताएका छन् । वितरण गरिएका विरुवाहरुमा ३ सय ढटेलोका विरुवा, ओखरका विरुवा ६ सय, लेख बैस १ सय ५० र चुलीका ५० बोट वितरण गरीएको सिमकोट गाउँपालिका वडा नं ५ का स्थानियवासी जनक रोकायाले बताएका छन् ।
डिभिजन वन कार्यालय हुम्लाबाट सुक्रबार वितरण गरिएका विरुवा लिने व्यक्ती तथा फर्मका प्रतिनिधिले आफ्नो निजी जग्गा तथा बाँजो, पाखा पखेरामा लगाएको स्थानियवासी कालि रावतले बताएकी छन। त्यसै गरी सिमकोट गाउँपालिका वडा नं ५ र ६ का स्थानियवासीले प्रमुख देवताको रुपमा मनाउदै आएको बाणपाल देवताको प्राङगणमा मिमसिंह नेपाली र दान वहादुर रावतको संयुक्त पहलमा १६ वटा देवदारको विरुवा, ५ वटा ढटेलोका वोट र २० वटा ओखरका बोट वृक्षा रोपण गरेको नेपालीले बताएका छन् ।
विरुवा रोपण गरेसँगै ति विरुवाको संरक्षण हुन सकेको खण्डमा उक्त बाणपाल देवताको मन्दिर हरियाली सँगै रमणीय हुने आशा राखेको नेपालीले बताएका छन् ।
बन्द हुदै आएको कर्णाली करिडोरको बोक्चेगौडा सडक आजबाट खुल्ला
एकिकृत सामुदायिक बिकास परियोजना ब्यबस्थापन समिति गठन
हुम्ला जिल्ला अदालतद्धारा अर्ध न्यायिक निकायहरूको अनुगमन कार्यलाई तिव्र
