featured photo: Mansarowar Times

जडिवुटी संकलन गर्न गई वेपत्ता भएका व्यक्तीको लाश भेटीएको छ । उक्त लाश आज सिमकोट गाउँ पालिकाको वडा नं १ चुवाखोलाको कालापानी भन्ने ठाउँको दोजाम कर्णालीमा भेटीएको हो । कालापानीमा रहेको दोजाम कर्णालीमा लगाइएका २ वटा साना काठका लाप्कोमा तर्न खोज्दा उक्त काठ पल्टीदा निज कर्णाली नदिमा खसेको हुन सक्ने हाम्रा स्थानिय संवाददाता एव मृर्तकका आफन्न गोरा वुढाले घटना स्थलबाट जानकारी दिएका छन् ।

दोजाम कर्णालीमा खसेको आसंका गरिएको ठाउँ भन्दा लाश करिव १० मिटर तल बिच कर्णालीमा रहेकाले उदार गर्न गएको जिल्ला प्रहरी कार्यालयका निरिक्षक सिताराम विष्ट सहितको ७ जना सुरक्षाकर्मी स्थानिवासी गरी २५ जनाको टोलीले उक्त लाश निकाल्न नसकेको र सो लाश दोजाम कर्णालीको विच भेलमा रहेको आफन्त वुढाले बताएका छन् ।

खार्पुनाथ गाउँ पालिका वढा नं १ निवासी वर्ष ३० का धनबहादुर वुढा गत असोज २० गते जडविटी निकाल्नका लागी चुवाखोला वनमा गएका थिए । करिव १ हप्ता अघि देखि वेपत्ता भएका वुढाका आफन्तले कार्तिक ५ गते दोजाम प्रहरी चौकीमा जानकारी दिए संगै जिल्ला प्रहरी कार्यालयका प्रहरी निरिक्षक सिता राम विष्टको टोली घटना स्थलमा गएको थियो ।

विहिवार खोज तलासका क्रममा चुवाखोला वनको कालापानी भन्ने ठाउँ नजिक रहेको दोजाम कर्णालीको विच भागमा लाश भेटिएको र कर्णालीमा पानी ज्यादा हुदा लाशलाई निकाल्न नसकिएको हाम्रा स्थानिय संवाददाता गोरा वुढाले बताएका छन् ।

उदार गर्न गएको टोली घटना स्थलबाट फर्की सकेको छ ।