२५ मंसिर २०८२, बुधबार
राज शाही बुधबार, मंसिर २५, २०८२ मा प्रकाशित
स्थानिय कृषकलाई जिल्लाको एक गैर सरकारी संस्थाले बेमौसी तरकारीको बिउ बितरण गरेको छ । स्नोल्याण्ड एकिकृत विकास केन्द्र एस आइ डिसिको प्राविधिक सहयोग र गुड नेवर्सको आर्थिक सहयोगमा बितरण गरिएको हो । हुम्ला जिल्लाको मध्य भेगमा रहेको सर्केगाड गाउँपालिका वडा नं ४ साँया,मुण्डी र दुल्लीका १ सय ४४ जना कृषकलाई उक्त बिउ बितरण गरिएको स्नोल्याण्ड एकिकृत विकास केन्द्रका कृषि प्राविधिक जंग बहादुर शाहीले सम्बन्धित स्थलबाट बताएका छन् ।
वितरण गरिएका बिउहरुमा रायो, स्वीसाग, पाल्ङगो, धनिया, तिते करेला, भान्टा र प्याजको विउ बितरण गरिएको जाकारी प्राप्त भएको छ ।
कर्णाली दोभान कृषि सहकारी संस्था सर्केगाडका अध्यक्ष मिमबहादुर शाहीको अध्यक्षतामा र स्नोल्याण्ड एकिकृत विकास केन्द्रका कार्यकारी निर्देशक गोविन्दबहादुर शाहीको प्रमुख आतिथ्यमा संचालन भएको कार्यक्रममा एस आइ डिसिका प्रोग्राम अफिसर कार्मा लामा लगायतका व्यक्तित्वहरुको उपस्थित रहेको कृषि प्राविधिक शाहीले बताएका छन् ।
हिउदे मौसममा हुम्ला जिल्ला शुख्खा हुने र जमिनमा हिउ जमी खेतबारी बाँझो हुने भएकाले गृनहाउस उक्त वितरण गरीएको विउ छरी हरियो साग सब्जी स्थानियवासीले खान पावस र आयआर्जनमा पनि बृद्धि होस भन्ने हेतुले उक्त विउ वितरण गरिएको कार्यकारी निर्देशक गोविन्दबहादुर शाहीले बताएका छन् ।
SIDC को समन्वयमा १ सय ४४ जना कृषकहरुलाई बेमौसी तरकारीको बिउ
महिला हिंसाको १६ दिने अभियानको आज विधिवद्ध समापन
पशु चौपायलाई चाहिने आवश्यक औषधी खरिद प्रक्रियामा
