कर्णाली प्रदेशको हुम्ला जिल्लामा लैङ्गिक हिंसा, जातीय संवेदनशीलता तथा सामाजिक सद्भावसम्बन्धि १ दिने कार्याशाला गाेष्ठी” संचालन गरीएको छ । UN WOMEN, UK International Developmentको आर्थिक सहयोग र राष्ट्रिय आदिवासी जनजाती महिला मन्चको सहकार्यमा र हाम्रो साहस कार्यक्रमको आयोजनामा साउन २४ गते हुम्ला जिल्लाको सदरमुकाम सिमकोटमा संचालन भएको हो ।

बरगाउँ महिला समूहका सदस्य श्री निमा लामाकाे सभाध्यक्षतामा , सिमकाेट गाउँपालिका उपाध्यक्ष श्री सुशीला राेकायाकाे प्रमुख अतिथिमा र बाैद्ध धर्म गुरु श्री लाेप्साङ लामाकाे विशेष आतिथ्यमा संचालन भएको कार्यक्रममा १० जना पुरुष, १० जना महिला गरी जम्मा २० जनाकाे सहभागीता रहेकाे थियाे ।

यस कार्यक्रमकाे मुख्य उद्देश्य समाजमा लैङ्गिक हिंसा, जातीय विभेद न्यूनिकरण गर्ने र समाजमा जातीय संवेदनशीलता र सामाजिक सद्भाव अभिवृद्धि गर्नु रहेकाे छ । उक्त अभिमुखीकरण कार्यक्रम छतुप लामाले सहजिकरण गरेका थिए । कार्यक्रम निकै प्रभावकारी एवम् समसामयिक भएकाे सहभागीहरुले बताएका थिए । उक्त कार्यक्रम शिक्षक छतुप लामाले सहजिकरण गरेको जानकारी प्राप्त भएको छ ।