१२ साउन २०८३, मंगलबार
राज शाही मंगलबार, साउन १२, २०८३ मा प्रकाशित
कर्णाली प्रदेशको हुम्ला जिल्लामा महिलाको राजनीतिक सहभागिता र नेतृत्व सम्बन्धी संवाद कार्यक्रम संचालन गरीएको छ । UN WOMEN, UK International Developmentको आर्थिक सहयोग र राष्ट्रिय आदिवासी जनजाती महिला मन्चको सहकार्यमा र हाम्रो साहस कार्यक्रमको आयोजनामा साउन १० गते हुम्ला जिल्लाको सदरमुकाम सिमकोटमा संचालन भएको हो ।
बरगाउँ महिला समुहका अध्यक्ष पेमा होसाल लामाको अध्यक्षता र सिमकोट गाउँपालिका उपाध्यक्ष शुसिला रोकायाको प्रमुख आतिथ्यमा संचालन भएको कार्यक्रममा जिल्लाका प्रमुख राजनीतिक दलका प्रमुख एवम् प्रतिनिधी, नागरिक समाज, बरगाउँ महिला समुहका सदस्यहरु र हुम्ली ढुङ्गा युवा समूहका सदस्यहरुको सहभागीता रहेको जानकारी प्राप्त भएको छ ।
यस कार्यक्रममा नेपाली राजनीतिमा महिलाको अवस्था, अवसर र चुनौतीहरुका बारेमा बृहत् रुपमा बहस, छलफल सँगै अन्तरक्रिया भएको थियो । कार्यक्रम समसामयिक भएको हुँदा आगामी प्रदेश र स्थानीय तहको निर्वाचनमा महिलाको सहभागीता वृद्धि हुने आाशा एवम् विश्वास लिएको उक्त संस्थाले जनाएको छ ।
शिक्षक छतुप लामाले सहजिकरण गरेको कार्यक्रममा सोही संस्थाका संचालक तुण्डुप लामा र कार्यक्रम व्यवस्थापक पुजा श्रेष्ठको पनि सहभागिता रहेको थियो ।
नेपाली बजारबाट भिडाले थाल्यो अन्तराष्ट्रिय यात्रा
महिलाको राजनीतिक सहभागिता र नेतृत्व सम्बन्धी संवाद
विद्यार्थीहरुलाई किताबी ज्ञान सँगै व्यबहारिक ज्ञान सिकाउदै
