featured photo: Mansarowar Times

सोमबार देखि कक्षा १२ को परीक्षा सुरु भएको छ । पहिलो दिन कोड नं ४१ रहेको अंग्रेजी विषयको परिक्षा संचालन भएको हो । सिता नमुना माध्यामिक विद्यालय खार्पुनाथ ५ छिप्रा हुम्लामा संचालन भएको साधारण र प्राविधिक धार गरी जम्मा ५४ जना परिक्षार्थी मध्य ५१ जना परिक्षार्थीको उपस्थित रहि ३ जना अनुउपस्थित रहेको सोही परिक्षा केन्द्रका केन्द्राध्यक्ष एव सिता नमुना माध्यामिक विद्यालयका प्रधानाध्यापक जुनराज हमालले बताएका छन् ।

जसमा साधारण धारतर्फ कुल परिक्षार्थी संख्या ४६ जना मध्य छात्रा ३० र छात्र १४ गरी जम्मा ४४ जनाको उपस्थित रही २ जना छात्रको अनुउपस्थि रहेको र प्राविधिक धारतर्फ कुल परिक्षार्थी ८ जना मध्य छात्रा ५ र छात्र २ गरी जम्मा ७ जनाको उपस्थित रहेको र १ जना छात्रको अनुउपस्थित रहेको केद्राध्यक्ष हमालले बताएका छन् ।

मानसरोवर नमुना माध्यामिक विद्यालय सिमकोट परिक्षा केन्द्रमा जम्मा परिक्षार्थी संख्या ६४ जना मध्य १ जना छात्रको अनुउपस्थि रहि ६३ जनाले परिक्षा दिएका छन् । जसमा छात्र ३२ र छात्रा ३१ गरी ६३ जनाले सान्त मर्यादिद र धाँधलि रहित बातावरणमा परिक्षा संचालन भएको सोही परिक्षा केन्द्रका केन्द्राध्यक्ष एव मानसरोवर नमुना माध्यामिक विद्यालयका प्रधानाध्यापक अमरबहादुर शाहीले बताएका छन् ।