सिमकोट गाउँपालिका स्तरीय माध्यामिक तहको हाजिरीजवाफ प्रतियोगिता सम्पन्न भएको छ । उक्त हाजिरी जवाफ प्रतियोगिता सिमकोट गाउँपालिकाको मानसरोवर नमुना माध्यामिक विद्यालयमा संचालन भएको हो । सिमकोट गाउँपालिका भित्रका ७ वटा माध्यामिक विद्यालयका विद्यार्थीले भाग लिएका थिए ।

गाउँपालिका स्तरीय माध्यामिक विद्यालय स्तरीय हाजीरी जवाफ प्रतियोगितामा भाग लिने विद्यालयहरुमा सैपाल माध्यामिक विद्यालय स्याँडा, कर्णाली माध्यामिक विद्यालय चौगान फया, कैलास माध्यामिक विद्यालय डाँडाफया, मानसरोवरवर नमुना माध्यामिक विद्यालय सिमकोट, बालमन्दिर माध्यामिक विद्यालय सिमकोट, रामदेव माध्यामिक विद्यालय ठेहे र रलिङ माध्यामिक विद्यालय बरगाउँले भाग लिएका थिए । जसमा बालमन्दिर माध्यामिक विद्यालय प्रथम, कर्णालि माध्यामिक विद्यालय द्धितिय, मानसरोवर नमुना माध्यामिक विद्यालय तृतिय र सैपाल हिमाल माध्यामिक विद्यालय सान्त्वना भएको मानसरोवर नमुना माध्यामिक विद्यालयका प्रधानाध्यापक अमरबहादुर शाहीले बताएका छन् ।

सबै बालबालिकाको विद्यालयमा सहभागिता, गुणस्तरीय शिक्षाको सुनिश्चितता भन्ने मुल नारका साथ लोकतन्त्र दिवसको अवसर पारी संचालन भएको हाजीरी जवाफ प्रतियोगिताको अध्यक्षता सिमकोट गाउँपालिका अध्यक्ष विजय भण्डारीको र सिमकोट गाउँपालिकाका प्रवक्ता एव वडा नं ६ का अध्यक्ष नन्दबहादुर रावतको विशेष आतिथ्य रहेको थियो ।

सहभागी विद्यालयका प्रधानाध्यापक लगायत विद्यार्थी अभिभागहरुको उपस्थित रहेको हाजिरीजवाफ प्रतियोगिता भव्य र सव्यरुपमा संचालन भइ पुरुष्कार तथा प्रमाण पत्र समेत वितरण गरिएको मानसरोवर नमुना माध्यामिक विद्यालयका सहायक प्रधानाध्यापक राजबहादुर शाहीले बताएका छन् । हाजिरी जवाफ प्रतियोगिताको संचालन मानसरोवर नमुना माध्यामिक बिध्यालयका शिक्षक धन बहादुर ऐडीले संचालन गरेको कार्यक्रममा उद्घाटन तथा समापन शिक्षा युवा तथा खेलकुद शाखा प्रमुख कृष्ण प्रसाद आचार्यले गरेका थिए ।