०६ बैशाख २०८३, आइतबार
राज शाही आइतबार, बैशाख ०६, २०८३ मा प्रकाशित
स्थानिय तहमा दस्तावेजीकरण तथा पीडितका केसहरुको व्यवस्थापन सम्बन्धिको २ दिने अभिमुखि करण तालिम संचालन भएको छ । हिमाली जिल्ला हुम्लाको सदरमुकाम सिमकोटमा संचालन भएको तालिममा सिमकोट गाउँपालिका वडा नं ३ का महिला समुह र युवा समुहको सहभागिता रहेको थियो ।
राष्ट्रिय आदिवासी जनजाती महिला मन्चको आयोजनामा संचालित हाम्रो साहस परियोजनाको सहकार्यमा हुम्ला सदरमुकाम सिमकोटमा संचालन भएको हो । बैशाख ५ गतेबाट सुरु भइ ६ गते सम्पन्न भएको उक्त तालिममा छुवाछुत, जातीय भेदभाव, हिंसाका स्वरुपहरु, लैंगिकतामा आधारित हिंसा लगायतका कानूनी र संवैधानिक व्यवस्थाका विषय बस्तु माथि उपस्थितलाई अभिमुखी करण गरिएको सोही परियोजना सदस्य छपाल लामाले बताएकी छन् ।
कार्यक्रमको मुख्य उद्देश्य सहभागीहरुलाई लैंङगिक आधारित हिंसा तथा जातिय भेदभाव र छुवाछुतको परिभाषा बताउनु, सहभागिहरुलाई लैंङगिक आधारित हिंसा तथा जातिय भेदभाव र छुवाछुतका घटनाको दस्तावेजीकरण र व्यवस्थापन गर्न आवश्यक सीप प्रर्दान गर्नु, पीडितहरुलाई प्रभाकारी रुपमा सहयोग पुर्याउन स्थानिय प्रतिक्रिया प्रणालीलाई सुदृढ बनाउनु र पीडित केन्द्रित दृष्टिकोणका उत्कृष्ट अभ्यासहरुको सिकाइ आदान प्रदानलाई सहजीकरण गर्नु रहेको लामाले बताएकी छन् ।
स्थानिय तहमा दस्तावेजीकरण तथा पीडितका केसहरुको व्यवस्थापन
हुम्लाका ४ वटा विद्यालयका विद्यार्थीहरुलाई झोला र ट्याक्सुट
सुक्रबारिय कार्यक्रम अन्तरगत हाजिरी जवाफ प्रतियोगिता
