१४ फाल्गुण २०८२, बिहिबार
राज शाही बुधबार, फाल्गुण १३, २०८२ मा प्रकाशित
फागुन २१ — रुख चिन्हमा छाप लगाऔँ,१२ गते खार्पुनाथ जाऔँ — परिवर्तनको आवाज बुलन्द गरौँ ” भन्ने नाराका साथ आयोजित कार्यक्रममा नेपाली कांग्रेस गाउँपालिका कार्य समिति खार्पुनाथका सभापति टक्क बहादुर शाहीको अध्यक्षता तथा कर्णाली प्रदेशका पूर्व मुख्यमन्त्री एवं नेपाली कांग्रेस संसदीय दलका नेता जीवनबहादुर शाहीको प्रमुख आतिथ्यमा जनसभा संचालन भएको थियो ।
कार्यक्रममा नेपाली कांग्रेसका तर्फबाट प्रत्यक्ष उम्मेदवार जयपति रोकाया, कर्णाली प्रदेश सदस्य पदमबहादुर लामा, कर्णबहादुर रावल, रम्भा शाही, कांग्रेस हुम्ला सभापति मोहनबिक्रम सिंह, उपसभापति बसन्त रोकाया, कोषाध्यक्ष बबिता शाही लगायत जिल्लाका शीर्ष नेताहरूले हुम्लाको विकास, सुशासन र समृद्धिको मार्गचित्र प्रस्तुत गरेका थिए। कार्यक्रममा राष्ट्रिय कलाकारहरू आसा शाही, भानुभक्त जैशी, आरती बुढा, हिरकला बिसी तथा युवराज भण्डारीको विशेष सांगीतिक प्रस्तुतिले सभालाई थप उत्साहपूर्ण बनाएको कार्यक्रम सञ्चालक चन्द्र रावलले जानकारी दिएका छन।
यस ऐतिहासिक अवसरमा खार्पुनाथ गाउँपालिकाका पाँचवटै वडाका नागरिक लोकतन्त्र, विकास र समुन्नत हुम्लाको उज्यालो भविष्यका लागि अभियानमा सहभागी भएको बताइएको छ। नेतृत्वले नवप्रवेशीहरूलाई सम्बोधन गर्दै नेपाली कांग्रेस लोकतान्त्रिक मूल्य, विधिको शासन, नागरिक अधिकार र समावेशी विकासप्रति प्रतिबद्ध रहेको उल्लेख गरेका छन । स्थानीय स्तरमा विकास, सुशासन, शिक्षा, स्वास्थ्य तथा रोजगारीका अवसर सिर्जना गर्न सबै एकताबद्ध भएर अघि बढ्न आग्रह गरिएको थियो।
नेपाली कांग्रेस खार्पुनाथ गाउँपालिकाद्वारा आयोजित चुनावी जनसभामा उल्लेखनीय राजनीतिक गतिविधि देखिएको छ। जनसभाको अवसर पारेर खार्पुनाथ गाउँपालिकाका २० घरधुरीका करिब ५५ जनाले विभिन्न राजनीतिक दल परित्याग गरी नेपाली कांग्रेसमा औपचारिक रूपमा प्रवेश गरेका छन्। गाउँपालिकाको केन्द्र याङचु बजारमा आयोजित सभामा स्थानीय नेता–कार्यकर्ता, समर्थक तथा सर्वसाधारणको उल्लेख्य उपस्थिति रहेको थियो। कार्यक्रममा पार्टीका जिल्ला तथा स्थानीय तहका नेताहरूले नवप्रवेशीलाई टीका, माला तथा खादा लगाएर स्वागत गरेका थिए। “
पार्टी प्रवेश गर्नेहरूका तर्फबाट बोल्दै प्रतिनिधिहरूले कांग्रेसको नीति, सिद्धान्त र लोकतान्त्रिक संस्कारप्रति विश्वास राख्दै पार्टीमा आवद्ध भएको बताएका छन्। स्थानीय विकास, स्थायित्व र जनताको आवाज संस्थागत गर्ने उद्देश्यले आफूहरू कांग्रेसमा आएको उनीहरूको भनाइ थियो। वक्ताहरूले आगामी निर्वाचनलाई लोकतन्त्र सुदृढ गर्ने महत्वपूर्ण अवसर भएको उल्लेख गर्दै मतदातालाई स्वतन्त्र र निष्पक्ष रूपमा मतदान गर्न अपिल गरेका थिए। कार्यक्रम शान्तिपूर्ण र उत्साहपूर्ण वातावरणमा सम्पन्न भएको आयोजकले जनाएको छ।
खार्पुनाथ गाउँपालिकामा नेपाली काँग्रेसको जनसभा
३ सय ६९ जना कर्मचारीलाई मतदान स्थल तथा मतदान केन्द्रमा खटाए
स्वास्थ्य चेकजाँच गरी नसर्ने रोगको एक महिने स्क्रिनङ अभियानको उत्घाटन
