नेपाली कांग्रेस हुम्लाका प्रतिनिधि सभा सदस्य उम्मेदवार जयपति रोकायाले लोकतन्त्रको सुन्दर पक्ष निर्वाचन भएकाले आफू पवित्र भावका साथ स्वच्छ प्रतिस्पर्धामा होमिने बताएका छन्। मंगलबार आफै मुख्य निर्वाचन अधिकृतको कार्यालयमा पुगी उम्मेदवारी दर्ता गराएका रोकाया बुधबार नेपाली काँग्रेसका नेता तथा कार्यकर्ता, शुभेच्छुक, भातृ तथा भेगेनी संस्थाका पदाधिकारीहरु सँग भेट घाट र आगामी फागुन २१ गते हुने प्रतिनिधि सभा सदस्य निर्वाचनको रणनिती, कार्यदिशा लगायतका विषयमा छलफल, बहस सँगै राय, सल्लाह, शुझाव संकलन गरेका छन ।

‘म पवित्र भावका साथ हुम्लाका जनताको सेवा गर्न आएको छु। मेरो मन कञ्चन छ। म खुल्ला किताब जस्तै छु। हामीले चुनावी प्रतिस्पर्धा गर्दा अरु उम्मेदवारहरूलाई विभिन्न आरोप प्रत्यारोप गर्नु हुँदैन। कसैलाई गाली गर्नु हुँदैन। आफ्ना एजेण्डा सहित जनतामा जानुपर्छ। यो हाम्रो लोकतान्त्रिक संस्कार पनि हो। म जनताको घरदैलोमा आफ्ना योजना र विचार बोकेर पुग्ने कुरा उक्त कार्यक्रममा बताएका थिए ।

परम्परागत गाली गलौजको शैलीलाई परिवर्तन गर्ने र जनताको विश्वास जित्ने आफ्नो लक्ष्य रहेको रोकायाले प्रस्ट पारेका छन ।