हिमाली जिल्ला हुम्लामा साउने पुर्णीको अवसरमा एकादसी देखि पन्चमी सम्म लाग्ने मेलामा अवान्चित क्रियाकलाप तथा घटना हुन नदिनकालागी सादापोषाकका सुरक्षाकर्मी व्यापक परिचालन गरिएको छ ।

जिल्ला प्रहरी कार्यालय हुम्लाका प्रहरी नायव उपरिक्षक (डिएसपी) भिमलाल भटराइका अनुसार हुम्ला जिल्लाको सिमकोट गाउँपालिकाको सिमकोटलाई प्रथामिकतामा राखी उक्त मेलालाई सान्तीपुर्ण ढंगले संचालनका लागी जिल्ला प्रहरी कार्यालय हुम्लाले ससत्र प्रहरी, राष्ट्रिय अनुसन्धान, स्वयम सेवक र नेपाल प्रहरीका सादापोशाक सहितको टोली व्यापक परिचालन गरेको बताएका छन ।विशेष सुरक्षा योजना बनाइ संक्युक्त सुरक्षाकर्मीको सादापोशाकको टोली खटाइएको हो ।

जिल्ला सदरमुकाम सिमकोटको मेला लाग्ने बजार क्षेत्र, होटल, सार्वजनिक स्थान, सदरमुकाम सिमकोट आवत जावत गर्ने नाका सहित विभिन्न भित्री घेरा र बाहिरी घेरामा समेत संयुक्त टोली सिफ्ट सिफ्ट तथा गाडी सहित नेपाल प्रहरी खटिएको डिएसपी भटराइले बताएका छन् ।

हुम्ला जिल्लाका साउने पुर्णिमा मेला लाग्ने गाउँ वस्तीहरुमा पनि साउने पुर्णीमा मेलालाई झै झगडा रहित बनाउनका लागी मातहतका नेपाल प्रहरीलाई खटाइएको र काँही कतै अप्रिय, अवान्चित गतिविधि भएको पाइएमा तत्काल जिल्ला प्रहरी कार्यालय हुम्लामा जानकारी गराउन समेत निर्देशन दिइएको प्रहरी नायव उपरिक्षक भटराइले बताएका छन् ।