२० मंसिर २०८२, शुक्रबार
दाने बोहरा शनिबार, जेठ १०, २०७७ मा प्रकाशित
हुम्ला
कर्णाली नदीमा बगेर एक बालक बेपत्ता भएका छन् । खार्पुनाथ गाउँपालिका वडा ४ छिप्रा घरभएका ९ वषिर्य धनराज बोहरा साथीहरुसँग रमाईलो गर्न जादा बेपत्ता भएका हुन् ।
साथहिरु सँग रमाईलो गर्न दोवाडी भन्ने क्षेत्रमा रहेको खार्पु दोभानको कर्णाली नदीमा नुहाउन गएका वेला बेपत्ता भएको जिल्ला प्रहरी कार्यालय हुम्लाका प्रहरी नायव उपरीक्षक रामप्रसाद घर्तिमगरले जानकारी दिनुभयो ।
आज विहान नदीमा बेपत्ता भएका बोहरा बालकको खोजी कार्य गर्न सुरक्षाकर्मी र गाउँका स्थानीय सबै मिलेर बाक्लो परीचालन गरेको भए पनि भेटाउन नसकेको खार्पुनाथ गाउँपालिका अध्यक्ष कर्ण रावलले बताउनुभयो । बेपत्ता बालकको खोजी कार्य चलिरहेको र अहिले कर्णाली नदी नजिक रहेका प्रहरी चौकीबाट प्रहरी परीचालन गरिएको छ ।
बेपत्ता बालकको खोजी कार्र्य तीव्र चलिरहेको भए पनि भेटाउन नसकिएको जिल्ला प्रहरी कार्यालय हुम्लाले जनाएको छ । बालकको कसरी कर्णाली नदीमा बेपत्ता भएको यसको पनि अनुसन्धान भइरहेको छ ।
बेपत्ता बालकको खोजी कार्य जारिरहेको र अहिले सम्म अवस्था पत्ता नलागेको प्रहरीले जनाएको छ । प्रहरी र स्थानीयले खोजकार्य जारी राखेको बेपत्ता बालकका आफन्तले बताएका छन् ।
खार्पुनाथ प्रहरी चौकी, सर्केगाड प्रहरी चौकी, श्रीनगर, मैला, र कवाडी प्रहरी चौकीबाट कर्णाली नदी तिर क्षेत्रमा बालकको खोजीका लागी प्रहरी परीचालन गरीएको छ । कक्षा ४ मा सिता माध्यामिक विद्यालयमा अध्यायनरत रहेका थिए ।
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
मोतिया विन्दु सल्यक्रिया र हेपाटाइटिस बि सम्बन्धिको भ्याक्सिनेसन शिविर
