०४ आषाढ २०८३, बिहिबार
राज शाही सोमबार, आषाढ ०७, २०७८ मा प्रकाशित
यसबाट प्राथमिकता दिनुपर्ने कार्यहरु के के हुन सक्छन् ?
पहिलो कुरा सडक नपुगेको र हाल निर्माण भइरहेको वडालाई बाँकी कामका लागि बजेट ब्यबस्था हुनेछ । स्वास्थ्य क्षेत्रलाई प्राथमिकतामा राखिनेछ । कोभिड महामारीलाई यसैमा समेट्ने योजनामा छौं । त्यसलाई पनि आगामी आर्थिक वर्षको बजेटले समेट्ने छ । यसलाई प्राथमिकतामा राख्ने भन्दै शिक्षामा कम प्राथमिकतामा राख्ने होइन । शिक्षालाई पनि प्राथमिकतामा राख्ने छौं ।अर्को महत्वपुर्ण कुरा निर्माण भएका पुुर्वाधारतर्फका कार्यक्रमहरुको दिगोपन र मर्मत कार्यलाई पनि महत्वका साथ हेरफेर गर्नेछौं । सिंगो गाउँपालिकामा फलफुल खेतीका लागि उपयुक्त भएको कारण कृषि क्षेत्रले पनि श्रोत अनुसार प्राथकिमता पाउनेछ । अरु नियमित गर्नुपर्ने कार्य त हुने नै छन् ।
बजेट तर्जुमा गर्दाका चुनौती के भोग्नु पर्नेछ ?
यसमा मुख्य कुरा ठाउँ, भुगोल र अबस्थाले गर्दा बजेट सिमा कम हुनु मुख्य चुनौती रहेको छ । हाम्रो जस्तो महंगी रहेको ठाउँका लागि अहिलेको बजेट निक्कै कम हो । जनताका मागहरु धेरै छन् । यसलाई व्यवस्थापन गर्न मुख्य चुनौती हो । अरु आफ्नै श्रोत नभएको बेला संघ र प्रदेशको मुख ताक्नुको अन्य विकल्प छैन । यो पनि समस्या कै रुपमा छ ।
आन्तरिक श्रोतका रुपमा रहेको पर्यटन क्षेत्र हो । कोभिडको कारण मानसरोवर कैलाशका लागि आउने पर्यटकहरु आउन सक्ने अबस्था छैन । समस्या धेरै छन् । अर्को कुरा संघ र प्रदेशबाट अहिलेको बजेट विनियोजित गर्ने प्रणालीमा सुधार गर्नु आबश्यक छ ।
आगामी आर्थिक वर्षको बजेट प्रस्तुत गर्ने तयारीमा हुनुहुन्छ के छ तयारी ?
आगामी १० गते गाउँपालिकाले सभामा बजेट प्रस्तुत गर्ने अन्तिम तयारी भइरहेको छ । आगामी आर्थिक वर्षको बजेट प्रदेश सरकारबाट प्राप्त हुने बजेट बाहेक ४३ करोडको बजेट ल्याउने तयारी भइरहेको छ । बस्ती, वडा स्तरबाट योजना तर्जुमा भएर आइसकेका छन । त्यसलाई बिषयगत र एकिकृत तर्जुमा बैठक चलिरहेको छ ।
गाउँपालिकाको लक्ष सवै वडामा सडक निर्माण गर्ने रहेको छ । त्यस अनुसार आगामी आर्थिक वर्ष त्यो कार्य पुरा हुनेछ । अर्को साल यति बेलासम्म सवै वडामा गाडि गुड्ने छन । त्योसँगै स्वास्थ्य, शिक्षा र कृर्षिलाई पनि अर्को प्राथमिकताका बिषय हुनेछ ।
– आर्थिक वर्ष सकिन लाग्यो, चालु आर्थिक वर्षमा मुख्य उपलब्धिहरु के के भए र,मान्नु हुन्छ ?
योजना तर्जुमादेखि कार्यान्वयनको चरण रहँदासम्म कोरोना कहरकै बीचमा चल्नु परेको छ । भएको श्रोत साधनबाट प्रत्यक्ष रुपमा देखिने गरी कार्य योजना तर्जुमाहरु गरेका थियौं । ती योजनाहरु अहिले केही पुरा भएका छन । भने, केही कार्यान्वयनका चरणमा छन् ।
त्यसमा सडक, ढल, गाउँपालिका भवन निर्माण जग्गा खरिद लगायतका पुर्वाधारमा योजनाहरु थिए । ती पुरा भएका छन् । सदरमुकाम सिमकोटमा सडक विस्तार र ढलको निर्माण कार्य जारी रहेको छ ।
हालसम्म सात वडामा सडक जोड्न सफल भएका छौं । अव वडा नम्बर ८ बाँकी छ । त्यसमा केही निर्माण कार्य भइरहेको छ । स्वास्थ्यमा सबै वडामा स्वास्थ्य संस्था स्थापना गर्ने कार्य पुरा भएको छ । उक्त संस्थाहरुमा अहिलेको जटिल अबस्थामा स्वास्थ्यकर्मी खटिएका छन् ।
–
– प्राथमिकता अनुसार बजेटको व्यवस्था के हुन्छ ?
बजेटको सिमा ज्यादैँ न्यून छ । कुल गाउँपालिकामा आउने बजेट मध्य निशर्तको बजेट झन थोरै छ । आठ वटै वडाहरुलाई भएको श्रोतका आधारमा बजेटले प्राथमिकतामा राखिनेछ । भएकै बजेट सिमालाई ध्यानमा राखेर कार्यक्रम ल्याउने तयारी भइरहेको छ । अर्को लगानी कम तर प्रतिफल बढी आउने कार्यक्रमलाई ध्यान दिईनेछ । साझेदारीका कार्यक्रमलाई पनि समेट्नु पर्ने बाध्यता छ । त्यसमा पनि बजेटको व्यवस्था गर्नुपर्ने हो । यसका लागि सम्बन्धितसँग समन्वय पनि गरिनेछ ।
– सम्भावनाका कार्यक्रम भन्नु भएको छ कस्ता कार्यक्रम हुन ?
कम लगानीमा फाइदा बढी हुने कार्यक्रमलाई बढी ध्यान दिइनेछ । जस्तो फलफुल खेती, तरकारी खेती, आयआर्जनका कार्यक्रम यस भित्र पर्नेछन् । फलफुल खेती मुख्य कुरा हो । अघिल्ला आर्थिक वर्षमा पनि यसलाई महत्वका साथ कार्यक्रम गरिएका छन् । फलफुल खेतीले पनि प्राथमिकतामा पारिने छ । न्यून आय तर सम्भावना भएका जनतालाई यसमा समेटिनेछ । देखिने र लाभाम्वित हुने कार्यक्रमहरु यसमा पर्छन् ।
– – अन्तमा थप केही भन्नु छ ?
अब यो बजेट तर्जुमा अहिलेको यो कार्यकालको अन्तिम हो । हालसम्म केही कामहरु भएका छन् । जो जनताका पक्षमा छन् । अब नयाँ कार्यक्रमले पनि जनता कै समस्यामा केन्द्रित हुने कार्यक्रम ल्याउने छौं । यसका लागि जनताको पनि साथ सहयोगको अपेक्षा राखेका छौं । धन्यवाद
बाजुराको गुम्बा गाउँका स्थानीय हुम्ला अन्तरगत मैला पञ्चायतमा
रेडियो कर्णाली आवाजको बार्षिक उत्सबमा जवाफ देहिता कार्यक्रम
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
