हुम्ला जिल्लाको निर्बाचन क्षेत्र नं ख मा जिल्ला अस्पताल हुम्लाका स्वास्थ्य चिकित्सकहरुले यु एस जी र इम्मपलान्ट सम्बन्धीको स्वास्थ्य उपचार गरिएको छ । उक्त उपचार जिल्ला स्वास्थ्य कार्यालयका डाक्टर देव गजमेर र बरिष्ठ अनमी शरिता बोहराले गरेकी हुन ।

हुम्ला जिल्लाको निर्बाचन क्षेत्र नं २ मा रहेको खार्पुनाथ गाउँ पालिकाको ५ वटै स्वास्थ चौकीमा यु एस जी र इम्मपलान्ट सम्बन्धीको सेवा दिएको खार्पुनाथ गाउँ पालिका स्वास्थ्य संयोजक बलिराज शाहीले बताएका छन् । ७ दिन सम्म संचालन भएको सो सेवामा यु एस जी सेवा ९८ जना र इम्मपलान्ट सेवा ६६ जनाले लिएको खवर प्राप्त भएको छ ।

सो स्वास्थ्य सेवा संचालन भई रहँदा खार्पुनाथ गाउँ पालिका वडा नं १ लालीमा यु एस जी सेवा ३३ र इम्मपलान्ट सेवा १३, वडा नं २ र ३ राया र थालीमा यु एस जी सेवा २५ जना र इम्मपलान्ट सेवा २९ जना सोही गाउँ पालिका वडा नं ४ छिप्रमा यु एस जी सेवा १५ जना र इम्मपलान्ट सेवा ६ र वडा नं ५ खार्पुनाथ स्वास्थ्य चौकीमा यु एस जी सेवा २५ जना र इम्मपलान्ट सेवा १८ जना गरी जम्मा यु एस जी सेवा ९८ जना र इम्मपलान्ट सेवा ६६ जनाले सेवा लिएको संयोजक शाहीले बताएका छन् । खार्पुनाथ गाउँ पालिकाका ५ वटै वडा बाट १ सय ६४ जनाले युएस जी सेवा र इम्मपलान्ट सेवा प्राप्त गर्न सफल भएका छन् ।

उक्त सेवामा खटीने जिल्ला अस्पतालका डाक्टर देव गजमेर र सिनियर अनमी शरिता बोहोरालाई खार्पुनाथ गाउँ पालिका अध्यक्ष कर्णबहादुर रावल, ५ नं वडा अध्यक्ष भिमराज शाही लगाएतका जनप्रतिनिधि स्थानियवासी सेवाग्राहीले धन्यवाद समेत प्रर्दान गरेका छन् ।उक्त सेवा यस अघि चैत २० गतेबाट सुरु भइ आज एक कार्यक्रम गरी सम्मपन्न भएको खवर प्राप्त भएको छ ।