हुम्ला

जिल्ला सदरमुकाम सिमकोटमा सुरक्षा कर्मीको आखा छल्दै चोरी हुनेको संख्यामा वृद्धी भएको छ । चैत २ गते राती अन्दाजी साढे ९ वजेको समयमा एक घरमा डेरा गरी वस्ने व्यक्तीको करिव ३ लाख वरावरको धनमाल र नगद चोरी भएको छ ।

चोरी हुने सामानहरुमा नेपाली नगद रुपैंया २ लाख १० हजार, काँसको कचौरा ३० वटा , काँसको थाल ३१ वटा, ५ माना मह र सिसाका गिलास २ वटा रहेका छन् ।

चोरी सिमकोट गाउँ पालिका वडा नं ६ मा रहेको नाम्खा गाउँ पालिका वडा नं १ निवासी छातोक तामाङको घरमा डेरा गरी वस्ने सिमकोट गाउँ पालिका वडा नं १ दोजाम गाउँका स्यामजोर लामाको र इन्द्र बहादुर लामाको भएको हो । जसको प्रहरीले मुचुल्का समेत गरी अनुसन्धान समेत गरी रहेको खवर प्राप्त भएको छ ।