featured photo: Mansarowar Times

हुम्ला

चंखेली गाउँ पालिका वडा नं २ बाट १ जना प्रसुती वेथा लागेकी महिलाको उदार गरिएको छ । यसरी उदार गरिनेमा वर्ष २८ की प्रभा शाही रहेकी छन् ।

प्रमुख जिल्ला अधिकारी चिरन्जीवी गिरी प्रहरी नायव उपरिक्षक सुर्य प्रसाद सुवेदीको समन्वयमा महिला बालबालिका तथा जेष्ठ नागरी मन्त्रालयको राष्टपति महिला उथान कार्यक्रमबाट लागत वेहोर्ने गरी प्रसुती वेथाले पिडित शाहीलाई नेपाली सेनाको हेलिकप्टरबाट सुर्खेत आजै उदार गरिएको हो ।

सुत्केरी हुने महिना अशोजमा भए पनि गत भदौ १२ गतेबाट पानी बग्न थालेपछि उनि पिडित हुदै आएकी थिन र भाद्र १७ गते रगत वग्न थाले पछि हेलिकप्टरबाट उनको उदार गरिएको स्वास्थ्य सेवा कार्यालयकी सिनियर अनमी सरिता बोहराले बताइन । यस अघि निजले दुइवटा बच्चाको जन्म दिइ सकेकी छन् ।