featured photo: Mansarowar Times

हुम्ला

जिल्लाको ग्रामिण वस्तीमा अझै पनि जातीय छुवा छुत हटेको छैन । कथित माथिल्लो जाती भनाउदाहरुले तल्लो जाती भनेर हेप्ने प्रवृद्धि अझै रोकीएको छैन । युवा पिडिले जातिय छुवाछुत नमाने पनि पुराना पाका पुस्ताका जिल्लाका ग्रामिण भेगका अशिक्षित अनपटहरुले उक्त प्रर्थालाई हाल सम्म मानि रहेको खार्पुनाथ गाउँ पालिका वडा नं ५ का टाकुल्ले सार्कीले बताएका छन् ।

उनका अनुसार हामी दलितलाई छोयमा छोइ छिटो गर्ने अपशब्द बोल्ने कार्य पनि गरि रहेको ति व्यक्तीले बताएका छन् । घर भित्र नलिने घर भन्दा पर केही टाढा राख्ने भाँडा वर्तन पनि छुन नदिने जस्ता शारिरीक तथा मानसिक पिडा दिने गरेको उनले बताएका छन् ।

जातीय छुवाछुत गर्न नपाइने अहिले कानून मै उल्लेख भइ सकेको अवस्थामा कोही कसैलाई जातिय भेदभाव गरेमा कानूनी दण्ड सजायको व्यवस्था मुलुकी अपराध संहिता २०७४ को दफा १६६ को उपदफा १ मा जाति विभेद गर्नेलाई सोही संहिताको दफा १६६ को उपदपा २ मा ३ वर्ष कैद वा ३० हजार जरिवानाको व्यवस्था गरेको छ भने राष्ट्र सेवकले जातीय भेदभाव गरेमा थप तीन महिना वढी सजाय हुने व्यवस्था गरेको छ ।