०६ भाद्र २०८३, शनिबार
राज शाही बिहिबार, भाद्र ११, २०७७ मा प्रकाशित
हुम्ला
भौतिक पूर्वाधार र जनशक्ति अभावले जिल्ला भित्रका स्वास्थ्यचौकीको सेवा प्रभावित बनेको छ। स्वास्थ्यचौकीमा जग्गा, भवन, स्वास्थ्यकर्मीदेखि ल्याब परीक्षणसम्मका समस्या छन् । सिमकोट गाउँ पालिका बाहेकका अन्य जिल्लाका ६ वटा गाउँ पालिकामा स्वास्थ्यचौकीमा पूर्वाधार अभावले बर्थिङ सेन्टर सञ्चालनमा समस्या भएको हो ।
स्वास्थ्यचौकीमा कार्यरत स्वास्थ्यकर्मीका अनुसार कोठाको भवनमा बर्थिङ सेन्टर छ । एउटामा बिरामीको स्वास्थ्य परीक्षण हुन्छ, अरू कोठामा डेलिभरी तथा औषधि र केही सामग्री राख्ने गरिएको छ । पूर्वाधार अभावले एकपटकमा एकभन्दा बढीलाई सुत्केरी गराउन नसकिने अवस्था रहेको छ । तर, कहिलेकाहीं एकै पटकमा ५ जनासम्म गर्भवती महिला स्वास्थ्यचौकी आउँछन् ।
‘त्यस्तो बेला भुइँमै राखेरै सुत्केरी गराउनु पर्ने वाध्यता रहेको छ । बिजुलीको समस्या पनि उस्तै छ । कतिकति बेला झयाप्प जान्छ । इन्भटर अभावले अँध्यारोमा टर्च बालेर सुत्केरी गराउनुपर्ने बाध्यता छ । ‘प्रशव पीडामा महिला छट्पटिँदा सम्हाल्न पनि गाह्रो पर्ने गरेको बताइएको छ । ‘डेलिभरी गराउने ठाउँ राम्रो छैन । कुरुवा बस्ने त झन् हुने कुरै भएन । सिमकोट गाउँ पालिकामा जिल्ला अस्पताल भएपनि त्यसको हविगत पनि उस्तै रहेको छ ।
लैङ्गिक हिंसा, जातीय संवेदनशीलता तथा सामाजिक सद्भावसम्बन्धि कार्याशाला गाेष्ठी
विद्यालयमा दिवा खाजा कार्यक्रममा प्राकृतिक खेतीका उत्पादन जोड्न समन्वय
विषादी रहित स्थानीय उत्पादन विद्यालयको दिवा खाजामा प्रयोग
