२० मंसिर २०८२, शुक्रबार
नन्द सिंह बुधबार, भाद्र १०, २०७७ मा प्रकाशित
हुम्ला,
हुम्ला जिल्लामा रहेको खाद्य संस्थान शाखा कार्यालयका लागि आ.व. ०७७।७८ का लागि पहिलो पटक १० हजार क्वीन्टल खाद्यान्न स्वीकृत भएको छ । केही दिन अगाडी मात्रै खाद्य व्यवस्थापन समितिका अध्यक्ष दानबहादुर रावतको अध्यक्षतामा बसेको बैठकले जिल्ला भरिका डिपो, विक्रि केन्द्र र शाखाका लागि ७३ हजार क्वीन्टल खाद्यान्न माग गर्ने भनिएता पनि हाल सिमकोट खाद्यसंस्थान शाखा कार्यालयका लागि १० हजार क्वीन्टल खाद्यान्न स्वीकृत भएको शाखा कार्यालय हुम्लाका प्रमुख रामबहादुर विष्टले बताए ।
प्रमुख विष्टका अनुसार सो खाद्यान्न स्वीकृत प्रकृया अन्तिम चरणमा रहेको छ । शाखाका लागि स्वीकृत भएको खाद्यान्न नेपालगंजबाट ४ हाजार क्वीन्टल र सुर्खेतबाट ६ हजार क्वीन्टल गरि जम्मा १० हजार क्वीन्टल हुम्ला पुग्ने भएको छ । नेपालगंजबाट यो भन्दा पहिला प्रति केजीको १ सय १४ रुपियाँ ८० पैंसामा ढुवानी हुन्थ्यो भने अहिले १ सय १३ रुपियाँ ८० पैंसामा ढुवानी हुँदै आएको छ । सुर्खेतबाट प्रति केजीको पहिला १ सय १२ रुपियाँ ८० पैंसा आउने गरेको र अहिले सोही ठाउँबाट प्रति केजीको १ सय ८ रुपियाँमा ढुवानी हुने गरेको छ ।
नेपालगंजबाट सिता र तारा एयरले २।२ हजारका दरले खाद्यान्न ढुवानीको जिम्मा लिएको प्रमुख विष्टले बताउनु भएको छ । त्यस्तै स्थलमार्गको खाद्यान्नको टेण्डर प्रकृया भने चलि रहेको जानकारी आएको छ । चंखेली गाउँपालिकाको देउली बिक्रि केन्द्र, ताँजाकोटको छप्रेला विक्रि केन्द्र, खार्पुनाथको याङचु विक्रि केन्द्र, नाम्खा गाउँपालिकाको यालवाङ विक्रि केन्द्र र यो वर्ष हालै मात्र सर्केगाड गाउँपालिकाको १ जैर र तुम्च गाउँ विच बालुकुनामा नयाँ विक्रि केन्द्र सञ्चालन भईरहेका छन् ।
त्यस्तै सर्केगाड गाउँपालिका डिपो कार्यालयमा हाल १ सय क्वीन्टल, अदानचुली श्रीनगर डिपो कार्यालयमा १ सय ५० र शाखा कार्यालय सिमकोटमा ३ हजार क्वीनटल खाद्यान्न मौज्दात रहेको प्रमुख विष्टले बताउनु भएको छ । नाम्खा गाउँपालिकाको आ.व.०७६।०७७ को १ हजार क्वीनटल मध्य शाखाबाट खाद्यान्न अेासार्ने कार्य भने तिव्र रहेको छ ।
तर बाटो भत्केका कारण खाद्यान्न ओसार्ने कार्य भने ढिलो भए पनि यो पटक भने नियमित गईरहेको बताइएको छ । प्रमुख विष्टका अनुसार शाखाका लागि यति खाद्यान्न ढुवानी भएपछि त्यस लगतै पुनः पनि खाद्यान्न कोटा थप गर्नका लागि केन्द्रमा अनुरोध गर्ने भएको छ । यो वर्ष सिमकोट शाखाका लागि सवै भन्दा पहिला खाद्यान्न आउने भएको छ भने अन्य बाँकी डिपो र विक्रि केनद्रका लागि पहल कार्य भईरहेको छ ।
आ. व. ०७७।७८ का लागि सिमकोट शाखाको लागि ३५ हजार, श्रीनगर डिपोका लागि ६ हजार, सर्केगाड डिपोका लागि ८ हजार, ताँजकोटको छप्रेला विक्रि केन्द्रका लागि ६ हजार, यालवाङ विक्रि केन्द्रका लागि ६ हजार, खार्पुनाथको याङचु विक्रि केन्द्रका लागि ६ हजार माग गरिएको भए पनि यसको टेण्डर प्रकृया भने भईरहेको छ ।
प्रकृया पुरा भए लगतै उक्त चामल स्थलमार्ग हुँदै हुम्ला पुग्ने भएको प्रमुख विष्टको भनाई छ । खाद्यान्न ढुवानी पनि केही हतसमम कम परेकोले पहिला जहाजबाट ढुवानी कार्य लगतै हुने भएको हो । विगतका वर्षहरुमा भन्दा यो वर्ष हुम्लामा खाद्यान्न विक्रि वितरणमा नियमित सञ्चालन भएको देखिन्छ । यहाँका स्थानीयहरुले िनयिमत खाद्यान्न उपभोग समेत गरि रहेको पाइएको छ ।
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
