२१ मंसिर २०८२, शनिबार
नन्द सिंह मंगलबार, भाद्र ०९, २०७७ मा प्रकाशित
हुम्ला,
हुम्लाका ठकुरी वस्तिका गाउँ गाउँमा वर्ष भरिको एक पटक मनाईने गौरा पर्व तामझामका साथ मनाई रहेका छन् । परापूर्व कालदेखि मनाउँदै आएको चाड पर्व यो पटक पनि गाउँ गाउँमा धुमधामका साथ मनाउँदै आएका छन् । जिल्लाका ठकुरी वस्तिमा रहेका व्यक्तिहरुले आफ्नो रितिरिवाजलाई उजागर र जोगाई रहने उदेश्यका साथ गाउँ भन्दा टाढा टाढा गएका व्यक्तिहरु यो वेला घर फर्कने गर्दछन् ।
यो पर्वलाई ठूलो पर्वको रुपमा मनाईने भएकाले घरमै आएर रमाइलो गर्ने गरेको स्थानीयको भनाई रहेको छ । यो पर्वमा विशेष गरि महिला पूरुषकै त्यतीकैको भूमिका रहने गर्दछ । जिल्लाका ठकुरी वस्तिले करीव दुईदेखि तीनदिन सम्म मनाउने गर्दछन् । सो पर्वमा रातीको समयमा देउडा गीत, मागल, भारिगीत, जस्ता खेलहरु खेलिन्छ भने दिउसो ढाल तरवार समातेर जन्त खेल्ने घोडा दौडाउने र महिलाहरु वर्त बसेर परमप्रागत रुपमा वेलुकी दुध ढोल्ने (खनाउने) कार्य गर्ने गर्दछन् ।
त्यती मात्र नभएर युवा केटाहरु मिलेर बाग्पा बनाएर नाचगान गर्ने गरेको पाइन्छ । सो पर्वलाई विशेष गरेर स्थानीयले दोवाठो भन्ने चलन रहेको छ । वर्पको वेलामा स्थानीयले मिठो मसिनो खाने र निको नौलो लगाउँने चलिचलन याथावतनै छ ।
यो पर्वलाई नियमित रुपमा हुम्लाको सिमकोट गाउँपालिकाको डाँडाफया, धारापोरी, पाम्लाथुम, खोल्सी, याङगु, खार्पुनाथ गाउँपालिकाको खर्पेलगाउँ, छिप्रा, माझा, कारङगा, प्युस, लाली, याङचु, र सर्केगाड गाउँपालिकाको साँया, रोडीकोट, गोठी लगायतका गाउँहरुमा धुमधामका साथ मनाउने गरिन्छ । हुम्लामा कोरोना कोभिड १९ को भने खासै प्रभाव नपरेकाले पनि याहाँका मानिसहरु त्यता तर्फ ध्यान नदिने गरेको देखिन्छ ।
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
