०१ आषाढ २०८३, सोमबार
राज शाही मंगलबार, भाद्र ०२, २०७७ मा प्रकाशित
हुम्ला
तीन दिन लगातार भएको वर्षापछि आएको पहिरोले चार सय भन्दा बढी रोपनी जग्गामा लगाएको बालीनाली नष्ट भएको छ । वर्षा बढी हुदा भिरालो जमिनमा लगाएको बालीमा पहिरो गएपछि धेरै क्षेती भएको हो ।
कोदो लगाएको जग्गालाई पहिरोले बगाएपछि निक्कै चिन्तित हुदै ताँजाकोट गाउँपालिका वडा नम्बर ३ का जगत शाहीले वर्षाले किसानको सत्यानास गरेको बताए । बाली कामै नलाग्ने गरि पहिरोले बगाएको छ । बाली बगाउने मात्र होइन जग्गामा पहिरोले चिरा समेत पारेर काम नलाग्ने बनाएको उनले बताए ।
बालनाली सबै पहिरोले लगेपछि अब ताँजाकोटका किसानलाई भोकमरीको चिन्ता थपिएको छ । यसरी पहिरोबाट बाली लगाएको जग्गा नास नहुने कुनै किसानहरु छैनन । एउटा किसानको तीन देखि पाँच रोपनी बाली लगाएको जग्गा बगाएपछि किसानको रुवाबासी चलेको स्थानीयबासीले बताएका छन् ।
तीन रोपनी चिनो लगाएको जग्गा नास भएपछि ताँजाकोट गाउँपालिका वडा नम्बर २ की धान्नपुरी मल्लले पहिरोले सत्यानास भएको बताईन । बाली लगाएको जग्गामा जताततै पहिरोले नास गरेको दृश्य मात्र देखिने भएकोले किसानलाई मन थाम्न पनि कठिन भएको उनले बताईन ।
जिल्लाको दक्षिणी क्षेत्रको ताँजाकोट गाउँपालिकाको जताततै बाढी पहिरो गएर चार सय भन्दा बढी रोपनी जग्गामा लगाएको बाली नष्ट भएको गाउँपालिकाका उपाध्यक्ष मन्जु बुढाले बताईन । पहिरोको उच्च जोखिममा रहेको गाउँपालिकाको जग्गामा बढी वर्षा भएकै कारण पहिरो गएको हो ।
जग्गामा कोदो, चिनो, कागुनो, धान लगाएतका खाद्य तथा दलहन बाली लगाएको थियो । यसबाट पाँच देखि सात करोडको बाली नष्ट भएको गाउँपालिकाले जनाएको छ । बाला पसाउने बेला बाली नष्ट भएपछि किसानहरुलाई चिन्तित तुल्याएको छ ।
अधिकाँस किसानलाई आफ्नै उत्पादनले छ देखि आठ महिना मात्र खाना पुग्ने अबस्था भएको बेला यसपाली त्यो बाली पनि नष्ट हुदा मंसीर पछि भोकमारी हुने संभावना बढेको छ । भदौ महिना लागेको कारण पहिरो गएको जग्गामा अन्य बाली लगाउने संभावना पनि देखिएको छैन ।
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
जिल्ला प्रशासन कार्यालयका सम्पुर्ण कार्यक्रम बहिस्कार
झुठ्ठा मुद्दा खारेजीको माग गर्दै हुम्लामा बिरोध प्रदर्शन
