०६ भाद्र २०८३, शनिबार
राज शाही सोमबार, साउन २६, २०७७ मा प्रकाशित
हुम्ला
हुम्लाको हिल्सामा रहेको सिमा प्रहरी चौकीलाई चीनको बुराङ काउण्टी ताक्लाकोटको स्थानीय सरकारले अठार प्रकारका सामाग्री सहयोग गरेको छ । हिल्सामा रहेको प्रहरी चौकीलाई कोरोना संक्रमण बिरुद्ध प्रयोग हुने देखि अन्य किसिमका सामानहरु सहयोग गरेको हो ।
हुम्ला जिल्लाका प्रहरी नायब उपरिक्षक सुर्य प्रकास सुबेदीका अनुसार सिमा प्रहरी चौकी हिल्सालाई निशुल्क रुपमा बिभिन्न सामाग्री सहयोग प्राप्त भएको बताए। यी सामाग्री प्राप्त भएपछि बिकटको सिमा क्षेत्रमा प्रहरीलाई काम गर्न सहज हुनेछ ।
प्रहरी चौकीलाई प्राप्त भएका सामाग्रीहरुमा मोवाईल सेट, फायर गन, लगस्टिक, लगस्टिकको डोरी, टर्च लाईट, हाते टर्च लाईट, नाइलनको डोरी, लाईफ ज्याकेट, स्पिड ब्रेकर, हाते माईक, साईड कन्ट्रोल निक्याप, स्क्यानर मेटल डिडेक्टर, आगो नियन्त्रण यन्त्र, ब्याटल रहेका छन् ।
त्यसै गरि कोरोना संक्रमण बिरुद्ध प्रहरीलाई प्रयोग गर्नका लागि चार कार्टुन सेनिटाईजर, १५ थान पन्जा र थर्मोगन पनि सहयोग प्राप्त भएको छ । यसअघि सिमा चौकीमा रहेका प्रहरीहरुले सामान्य मास्क प्रयोग गर्दै आएका थिए । प्राप्त सामानहरु चौकीमा राखिएको छ । सामाग्री सहित चिनीया प्रहरी हिल्सामा आएर हस्तान्तरण गरेको थियो ।
लैङ्गिक हिंसा, जातीय संवेदनशीलता तथा सामाजिक सद्भावसम्बन्धि कार्याशाला गाेष्ठी
विद्यालयमा दिवा खाजा कार्यक्रममा प्राकृतिक खेतीका उत्पादन जोड्न समन्वय
विषादी रहित स्थानीय उत्पादन विद्यालयको दिवा खाजामा प्रयोग
