१६ माघ २०८२, बिहिबार
दाने बोहरा मंगलबार, आषाढ ३०, २०७७ मा प्रकाशित
नेपाल प्रहरीले चीनबाट अवैध रुपमा ल्याएको तीन लाख मुल्य बराबरको चीनियाँ मदिरा बरामत गरेको छ । लकडाउन (बन्दाबन्दी) को समयमा गस्तीमा खटिएको दोजाम प्रहरी चौकीबाट खटिएको प्रहरी टोलीले सिमकोट गाउँपालिका १ दोजामबाट उक्त मदिरा बरामत गरेको जिल्ला प्रहरी कार्यालयका प्रमुख प्रहरी नायव उपरिक्षक सुर्यप्रसाद सुवेदीले जानकारीदिनुभयो ।
चीनसँग जोडिएको चुवाँखोला नाका हुदैं अवैध रुपमा भित्र्याइएको ५१ कार्टुन मदिरा आइतबार बरामत गरिएको प्रहरी नायव उपरिक्षक सुवेदीले जानकारी दिनुभयो ।
प्रहरीले छापा मार्नेक्रममा उक्त अवैध मदिरा फेला पारेको बताएका सुवेदीले भन्नुभयो, कस्ले ल्याएको हो भन्ने बारेमा अहिले दोजाम प्रहरीले अनुसन्धान गरिरहेको छ । नियन्त्रणमा लिएको उक्त मदिरा नष्ट गर्ने बारेमा वडाका जनप्रतिनिधि र अगुवासँग छलफल भैरहेको उल्लेख गरेका सुवेदीले अवैध रुपमा चीनसँग जोडिएका नाकाबाट आयात हुने चीनिया मदिरा रोक्न जिल्ला प्रहरीले सुन्य सहनसिलता अपनाएको छ ।
प्रति कार्टुन १२ बोतल हुने उक्त चीनियाँ मदिराको स्थानीय मुल्य ५ देखि ८ सयमा लुकिछिपी विक्रि वितरण हुने गरेको छ ।
अनुमति लिएर राखिएका हातहतियार बुझाउन अपिल
लोकतन्त्रको सुन्दर पक्ष निर्वाचन भएको , काँग्रेस उम्मेदवार रोकाया
प्रतिनिधिसभा निर्वाचनका लागि हुम्ला जिल्लाबाट ८ वटा दलले मनोनयन दर्ता
