कर्णाली प्रदेशको खार्पुनाथ गाउँपालिकामा स्थापित एक विद्यालयका विद्यार्थीलाई शैक्षिक सामाग्री सहयोग गरिएको छ । शैक्षिक सामाग्री प्राप्त गर्ने विद्यार्थीमा खार्पुनाथ गाउँपालिका वडा नं ४ मा स्थापित मष्टादेव आधारभुत विद्यालय माजाका विद्यार्थी रहेका छन् ।

सोही विद्यालय व्यवस्थापन समितिका अध्यक्ष डमन कुमार रोकायाको पहल सँगै आर्थिक सहयोगमा विपन्न, गरिव , टुहुरा र असाय ७० जना बालबालिकालाई कापी, सिसाकलम, कटर र इरेजर उपलब्ध गरिएको अध्यक्ष रोकायाले बताएका छन् ।

विशेष गरी टुहुरा, दलित लगायतका बालबालिकालाई पहिलो प्राथामिकतामा राखि उक्त शैक्षिक सामाग्री सुक्रबार एक कार्यक्रमको आयोजना गरि हस्तान्तरण गरिएको रोकायाले बताएका छन् । करिव २२ हजार ५ सय बरावरको शैक्षिक सामाग्री सहयोग गरिएको रोकायाले बताएका छन् ।

आर्थिकरुपमा विपन्न घर परिवारका बालबालिकाले उक्त सामाग्री प्राप्त गरेपछि विद्यार्थीलाई पठन पाठनमा सहज भएको सोही विद्यालयका प्रधानाध्यापक नन्दबहादुर शाहीले बताएका छन् ।