२८ बैशाख २०८३, सोमबार
राज शाही सोमबार, बैशाख २८, २०८३ मा प्रकाशित
कर्णाली प्रदेशको हुम्ला जिल्लामा प्राकृति खेती सम्बन्धीको २ दिने तालिम सुरु भएको छ । पहिलो दिन प्राकृतिकरुपमा उम्रेका झारपात, फलफुलको झोल, क्याल्सियम, नाइट्रोजन, फोसफोरस र जैविक विषादी बनाउने तालिम प्रर्दान गरिएको छ । उक्त तालिम गुड नेवर्स इन्टर नेस्नल अन्तरगत आइसिडिपी प्रोजेक्ट अर्थात एकिकृत सामुदायिक विकास परियोजनाको आर्थिक सहयोग र स्नोल्याण्ड एकिकृत विकास केन्द्र (एस आइ डिसी) को समन्वयमा उक्त तालिम संचालन भएको हो ।
प्रशिक्षक जंग बहादुर शाही र रुपसिंह भण्डारी रहेको तालिममा सिमकोट गाउँपालिका वडा नं ४,५ र ६ का स्थानिय १० जना श्रोत व्यक्तिहरुको उपस्थित रहेको छ । स्नोल्याण्ड एकिकृत विकास केन्द्रको सभाहलमा संचालन भइ रहेको तालिममा प्रोसोधित विरुवाको लहरेवाली लगायतका झारपात र प्रोसोधित फलफुलबाट झोल बनाउने विधि सिकाइएको छ । त्यसै गरी अण्डाको बोक्रा लगायतका स्थानिय सामाग्रीबाट क्याल्सियम, माछाको आन्द्र भुडीबाट नाइट्रोजन,विभिन्न जनावरको हड्डीबाट फोसफोरस बनाउने विधि पनि सिकाइएको छ ।
सोही अनुसार लसुन लगायतका सामाग्रीबाट जैविक विषाधी बनाउने प्रक्रिया पनि सिकाइएको प्रशिक्षक भण्डारीले बताएका छन् । उक्त तालिम आज सोमबारबाट सुरु भइ भोली मंगलबार सम्पन्न हुने भएको छ । प्राकृतिक खेती सम्बन्धीको दुइ दिने तालिममा सिकाइएका र बनाइएका मल तथा पोषण तत्व विरुवाको वृद्धि विकासका लागी प्रयोग हुने र जैविक विषाधी बालिमा किरा लाग्न नदिनका लागी यसको प्रयोग हुने स्नोल्याण्ड एकिकृत विकास केन्द्रका कार्यकारि निर्देशक गोविन्दबहादुर शाहीले बताएका छन् । उक्त तालिममा गिता रोकाया, छपदन लामा, गुयला रावत, बास्कला रोकाया लगायत १० जनाको सहभागिता रहेको थियो ।
हुम्ला जिल्लामा प्राकृतिक खेती सम्बन्धीको २ दिने तालिम
शिव मन्दिरमा शिल्डको अविशेक गरी खार्पुनाथ गाउँपालिका भित्राइयो
प्रदेश स्तरका कार्यालयको दोमुखे चरित्र
