जिल्लामा रहेका प्रदेश स्तरका कार्यालयहरुको कार्य सम्पादनमा समन्वयकारी भुमिका नभएको भन्ने जनगुनासो प्राप्त भएको छ । हुम्ला जिल्लामा रहेका प्रदेश स्तरका कार्यालयहरुले गरेका विकास निर्माण अन्य क्रियाकलापहरुको स्थानिय तहसँग समन्वयकारी भुमीका भएन लापरबाही भयो भन्दै स्थानिय सरकारका जन प्रतिनिधीहरुले प्रमुख जिल्ला अधिकारी लगायत सरोकारवाला निकायको बैठकमा गुनासो गर्न थालेका छन् ।

हुम्ला जिल्लाका प्रमुख जिल्ला अधिकारी टेक कुमार रेग्मीले सहकार्य, समन्वय र सह अस्तित्वको संघिय सिदान्त र संविधान अनुसार समन्वयकारी भुमिकामा रहन नचायको बताएका छन् । प्रदेश स्तरीय कार्यालयहरुले स्थानिय तह सँग समन्वय गर्नु नै पर्ने, कतिपय नितिगत समस्या होलान तर प्रदेश स्तरका कार्यालयहरुले उभोक्ता समितिबाट संचालन भएका योजनाहरुको स्थानिय तहको सिफारिस माग्ने, ठेक्काबाट संचालन भएका आयोजनाहरुको स्थानिय तहबाट सिफारिस नमाग्नुले तँहा स्वार्थ बाँजिएको प्र जि अ रेग्मीले बताएका छन् ।

चाहिने भए उपभोक्ता र ठेक्का दुबै प्रक्रियाबाट संचालन भएका आयोजनाहरुको लागी स्थानिय तहको सिफारिस चाहिनु पर्ने हो नचाहिने भए दुवैको नचाहिनु पर्ने रेग्मीले बताएका छन् । यो दोहोरो माप दण्ड हुनु हुँदैन, यो प्रदेश स्थरका कार्यालयको दोमुखे चरित्र हो यसमा छलफल हुन आवश्यक रहेको प्र जि अ रेग्मीले बताएका छन् ।