२४ बैशाख २०८३, बिहिबार
राज शाही बिहिबार, बैशाख २४, २०८३ मा प्रकाशित
काठ च्यात्ने क्रममा काठको गोलिया अर्थात मुडा लागेर एक जना बालकको मृत्यु भएको छ। मृत्यु हुनेमा सर्केगाड गाउँपालिका वडा नं ८ फुचा गाउँ निवासी जोगविर बुढाका छोरा वर्ष १४ का कविन्द्र बुढा रहेका छन् । कर्णाली प्रदेश हुम्ला जिल्लाको सर्केगाड गाउँपालिका वडा नं ८ मा स्थापित निलकण्ठ आधारभुत विद्यालय फुचामा निज बालक कक्षा ७ मा अध्ययनरत रहेको सोही विद्यालयका शिक्षक ओम प्रसाद जैसीले बताएका छन् ।
विहिबार विहान ११ वजे आफ्ना भेडा बाख्रा चरि चरनका लागी सोही गाउँपालिकाको वडा नं ८ को भुलभुले पानी भन्ने ठाउँमा लिएको समयमा काठ चिरान दरान गरी रहेका सोही गाउँपालीका वडा नं ८ का सुव्या सार्की र धुन शाहीले काठ चिरान गर्ने गोलिया पल्टाउदा तल जंगलमा रहेका बालकलाई लागी करिव १ सय मिटर तल सिप्का खोलामा फालेको जैसीले बताएका छन् ।
उनको लाश मुचुल्काका लागी जिल्ला प्रहरी कार्यालयको टोली घटना स्थलमा पुगी नसकेकाले खोलाबाट नउठाइएको जानकारी प्राप्त भएको छ । काठ चिरान दरान गर्ने सुव्या सार्की र धुन सार्कीलाई प्रहरीले नियन्त्रणमा लिएको जानकारी प्राप्त भएको छ ।
काठको मुडा लागेर एक जना बालकको मृत्यु, २ जना पक्राउ
आर्थिक उपार्जनका लागी धुप बनाउने सिप मुलक तालिम
बिग्रेको ७ महिना पछि 4G सेवा संचालनमा
