आर्थिक अवस्था कम्जोर भएका ३ वटा गाउँपालिकाका १५ घरधुरीलाई घर मर्मत र १८ वटा घरधुरीलाई शौचालय निर्माणका सामागी सहयोग गरिएको छ । सहयोग पाउनेमा हुम्ला जिल्लाका सिमकोट, खार्पुनाथ र सर्केगाड गाउँपालिकाका घरधुरी रहेका छन् ।

सिमकोट गाउँपालिकाका वडा नं १,२,७ र ८ का रहेका छन् । घर मर्मतका लागी ४ घरधुरीलाई प्रति घरधुरी २ लाखका दरले ८ लाख नगद, जस्ता पाता र अन्य निर्माण सामाग्री रहेका छन् । त्यसै गरी स्वास्थ्य तथा सरसफाइमा सौचालय निर्माणका ९ घरधुरीलाई प्रति घरधुरी १५ हजारका दरले १ लाख ५० हजार नगद र सौचालयमा प्रयोग हुने प्यान, जस्ता पाता, ड्रम सरिया सिमेन्ट उपलब्ध गराइएको छ ।

खार्पुनाथ गाउँपालिका वडा नं १,३,४ र ५ नम्बर वडाका ७ घरधुरीलाई घर मर्मतका लागी प्रति घरधुरी २ लाखका दरले १४ लाख नगद र जस्ता पाता र अन्य निर्माण सामाग्री सहयोग गरिएको स्नोल्याण्ड एकिकृत विकास केन्द्रका कार्यकारि निर्देशक गोविन्दबहादुर शाहीले बताएका छन् । त्यसै गरी सोही गाउँपालिकाका ५ घरधुरीलाई सौचालय निर्माणका लागी प्रतिघरधुरी १५ हजारका दरले ७५ हजार नगद र प्यान, जस्तापाता,ड्रम र सिमेन्ट सहयोग गरिएको निर्देश शाहीले बताएका हुन ।

सर्केगाड गाउँपालिका वडा नं १,५,७ र ८ का ४ घरधुरीलाई घर मर्मतका लागी प्रतिघरधुरी २ लाखका दर ८ लाख नगद र अन्य निर्माण सामाग्री, र सौचालय निर्माणका लागी प्यान, जस्ता पाता,ड्रम र सिमेन्ट उपलब्ध गराइएको स्नोल्याण्ड एकिकृत विकास केन्द्रका जेटिय रुपसिंह भण्डारीले बताएका छन् ।

गुडनेर्वस इन्टरनेस्नल नेपालको आर्थिक सहयोग र स्नोल्याण एकिकृत विकास केन्द्र एस आइ डिसिको प्राविधिक सहयोगमा आज मंगलबार वितरण गरिएको जेटिय भण्डारीले बताएका हुन ।