नेपालगञ्‍ज
भेरी अस्पताल, नेपालगञ्जले पछिल्लो ६५ वटा स्याम्पलको रिजल्ट निकालेको छ। ती सबै नेगेटिभ छन्।

स्वास्थ्य कार्यालयले संकलन गरेको ६१ र मेडिकल कलेजले पठाएको चार वटा स्याम्पलको रिपोर्ट नेगेटिभ आएको अस्पतालले जनाएको छ।

जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, २७ गते संकलन गरिएको ७५ मध्येमा ६१ वटाको रिपोर्ट आएको हो।

अरु १४ वटाको रिपोर्ट आउन बाँकी रहेको छ।त्यही दिन नेपालगञ्जको टाँगा स्टेशनबाट एक सय ६२ जनाको स्याम्पल संकलन गरेर काठमाडौं पठाइएको थियो। त्यसको रिपोर्ट आइसकेको छैन।

बाँकेमा सोमबार ९२ जनाको स्वाव संकलन गरिएको छ। नेपालगञ्जको जयसपुरमा ८२ र खजुरामा १४ जनाको स्वाव संकलन गरिएको फोकलपर्सन श्रेष्ठले जानकारी दिए।