featured photo: Mansarowar Times

कर्णाली प्रदेश निर्वाचन क्षेत्र ख मा यति वेला पीपिआर विरुद्धको भ्याक्सिनेसनको कार्यक्रम संचालन भइ रहेको छ । भेडा बाख्रामा बर्खे मौसममा बढी देखिने रोगका विरुद्ध पीपिआर खोप लगाउने कार्य सिमकोट गाउँपालिकाले मंगलबारबाट सुरु गरेको सोही गाउँपालिका पशु शाखा ना प्र स विष्णु बुमिले बताएका छन् ।

जस अनुसार मंगलबार सिमकोट गाउँपालिका वडा नं ८ मा रहेका साँता र याँङगु गाउँलाइ केन्द्रित गरी सोही वडाको लाङामडुमा २ हजार १ सय ५० भेडा बाख्रालाई पीपिआर विरुद्धको खोप लगाएको छ । त्यसै गरी खोल्सी गाउँलाई कन्द्रित गरी खोल्सी खोप केन्द्रमा १ हजार १ सय भेडा बाख्रालाई उक्त खोप लगाइएको छ । त्यसै गरी बुधबार सोही गाउँपालिका वडा नं ८ को स्याँडा र ७ को चारटाँगेमा उक्त खोप लगाइने भएको छ ।

सिमकोट गाउँपालिकाका अन्य वडामा पनि क्रमस लगाउदै जाने पनि ना प्र स बुमीले बताएका छन् । केही भेडा बाख्रा अछाम तिर गएकाले उता खोप नलगाएका भेडा बाख्रालाई पछि लगाउने गरी भ्याक्सिने मौजात राख्ने पनि बुमीले बताएका छन् । विशेष गरी भेडा बाख्रालाई पखाला लाग्ने,दुब्लाउने, मुख पाक्ने जस्ता रोगबाट बच्नको लागी उक्त खोप दिइने गरिएको बुमीले बताएका छन् ।