०२ चैत्र २०८२, सोमबार
राज शाही सोमबार, चैत्र ०२, २०८२ मा प्रकाशित
अबैध चाइनिज मदिरा ओसार पसार र बिक्रि वितरण सँगै अन्य अपराधिक घटनाहरुको बारेमा पत्रकार प्रहरी प्रमुख बिच छलफल भएको छ । अबैध चाइनिज मदिरा भित्रिने मुख्य नाकाहरु यति वेला खुली मानिसहरुको आवत जावत बाक्लिन थाले पछि हुम्ला प्रहरी प्रमुख डिएपी शंकर खड्का र हुम्ला जिल्लामा क्रियासिल पत्रकारहरु बीच भेट बार्ता भएको हो ।
हुम्ला जिल्लामा अपराध बढाउने मुख्य जड नै अबैध चाइनिज मदिरा भएकाले त्यसलाई जिल्ला भित्रिन नदिनका लागी के गर्न सकिन्छ भन्ने विषय बस्तु माथि केन्द्रित रहि प्रहरी प्रमुख प्रहरी नायव उपरिक्षक खड्का र पत्रकार बीच छलफल भएको थियो । उक्त छलफलमा मुख्य गरी अबैध चाइनिज मदिरा भित्रीने मुख्य नाका नाम्खा गाउँपालिकाको हिल्सा नाका र चंखेली गाउँपालिकाको टाँके नाका भएकाले यी नाकाहरुमा सुरक्षाकर्मीलाई कडाइका साथ परिचालन गरीने र को कसबाट अवैध मदिरा भित्रीन्छ त्यसको जानकारी पत्रकारहरुले लेखन शैलीबाट बाहिर ल्याउने कुराका विषयमा छलफल भएको हो ।
यो पछिल्लो समय जिल्लामा आत्म दाह ,बालबिबाह, बहुबिबाह, घरेलु हिंसा, बलत्कारका घटना पनि बढ्दै गएकाले त्यसको निगरानी पत्रकार सुरक्षाकर्मीले गरी समयमै स्थानिय नागरिलाई सजक बनाउने समेतका विषयमा पनि छलफल भएको छ । सोही अनुसार यस अघि हुम्ला जिल्लाको विभिन्न गाउँ घर नाकाबाट बरमद भइ जिल्ला प्रहरी कार्यालय हुम्लाको परिसरमा रहेको अबैध चाइनिज मदिरा नष्टका लागी पनि सामान्य छलफल गरिएको छ ।
जिल्लाको शान्ति सुरक्षा कायम राख्न पत्रकार र प्रहरी प्रमुख बीच भेटबार्ता
नेत्र ज्योती संघ हुम्लाद्धारा पुर्व मुख्य मन्त्री जीवनबहादुर शाहीलाई सम्मान
चालु आर्थिक वर्षको ७ महिनामा १ लाख ६८ हजार राजश्व असुली
