हिमाली जिल्ला हुम्लामा ट्राफिक नियम सबन्धि नागरिक सुनुवाइ कार्यक्रम संचालन गरिएको छ । जिल्लामा स्थापित पत्रकार र विशेष गरी सवारी चालकहरुको उपस्थितमा सोही कार्यालयले चालु आर्थिक वर्षको साउन देखि माघ महिना सम्म विभिन्न किसिमबाट उठाएको राजस्व रकमको बारेमा जानकारी गराएको थियो । कार्यालयले ट्याक्टर, बुलेरो जिपकार, ट्रक, मोटरसाइकल चालकहरुले ट्राफिक नियम विपरित कार्य गरेबापत कार्वाही गरी १ लाख ६८ हजार राजस्व असुली गरेको सोही कार्यालयका प्रमुख केस सिंह धामीले बताएका छन् ।

चालु आर्थिक वर्षको साउनमा ९ हजार ५ सय, भाद्र महिनामा १४ हजार, असोज महिनामा ९ हजार ५ सय, कार्तिक महिनामा ८ हजार ५ सय, मंसिर महिनामा ३० हजार, पौष महिनामा४० हजार र माघ महिनामा ५६ हजार ५ सय गरी जम्मा १ लाख ६८ हजार राजस्व संकलन गरेको ट्राफिर प्रहरी प्रमुख विष्ठले बताएका छन् ।

सवारी चालक पत्रकारको उपस्थित रहेको उक्त कार्यक्रममा ट्रफिक प्रमुख विष्ठले ट्राफिक नियम भन्नाले सडकमा सवारी साधन र पैदलयात्रीहरूको सुरक्षित, व्यवस्थित र अनुशासित आवागमन सुनिश्चित गर्न सरकारद्वारा बनाइएका कानुन, संकेत र निर्देशिकाहरूलाई निर्देशित गर्ने गरेको यसरी बताएका थिए । यसले दुर्घटना कम गर्न, ट्राफिक जाम व्यवस्थापन गर्न र सडक सभ्यता कायम राख्न महत्त्वपूर्ण भूमिका खेल्ने गरेको पनि प्रमुख विष्ठले बताएका थिए ।