फागुन २१ गते हुने प्रतिनिधिसभा सदस्य निर्वाचनअन्तर्गत हुम्लाका ६० मतदान स्थल र ६४ वटा मतदान केन्द्रमध्ये एक मतदान केन्द्रमा शतप्रतिशत महिला कर्मचारी खटाइएको छ । मुख्य निर्वाचन अधिकृतको कार्यालयका अनुसार सिमकोट गाउँपालिका वडा नं ५ सिमकोट स्थित भिमसेन आधारभूत विद्यालय मतदान केन्द्रमा सबै कर्मचारी महिला रहने गरी कार्य विभाजन गरिएको छ ।

मतदान अधिकृतमा डाक्टकर चाहाना सर्मा, सहायक मतदान अधिकृतमा सम्झना ऐडी, सहायक कर्मचारीमा सविता विष्ट, निर्माया विष्ठ,सपना कुमारी उपाध्याय र सहयोगीमा सोनिया रोकाया शाही रहेकी छन् ।

फागुन २१ गते हुने प्रतिनिधि सभा सदस्य निर्वाचनका लागि हिमाली जिल्ला हुम्लामा ६ महिलालाई मतदान अधिकृतको जिम्मेवारी दिइएको छ । एक मात्र प्रतिनिधिसभा सदस्य निर्वाचन क्षेत्र रहेको हुम्लाका ६० मतदान स्थल र ६४ मतदान केन्द्र मध्ये ६ मतदान केन्द्रमा महिला नेतृत्व रहने गरी मतदान केन्द्रमा खटाइएको सहायक निर्वाचन अधिकृत श्रीदीप वाग्लले बताएका छन ।

मुख्य निर्वाचन अधिकृतको कार्यालय हुम्लाका अनुसार ६४ मतदान केन्द्रमध्ये ६ मतदान केन्द्रमा सहायक मतदान अधिकृतका रूपमा महिलालाई जिम्मेवारी दिइएको छ ।