चुनवी प्रचारका क्रममा फलफुलका विरुवा रोपण गरिने भएको छ । सबैलाई उत्पादनमा जोड दिइ आय आर्जनमा वृद्धि गरी मतदाताको जीवन स्थर उकास्नका लागी चुनावी प्ररचारका क्रममा फलफुलका विरुवा रोपण गरिने भएको नेकपा माओवादी विब्लव पार्टीले जनाएको छ ।

जनता तथा मतदातालाई आत्म निर्भर बनाउनका लागी वृक्षा रोपण आफ्नो पार्टीले यस अघि पनि गर्दै आएको र अहिले यो चुनावको वेला सस्तो लोक प्रियताको लागी नभइ जनताको जिवन स्तर उकास्नको लागी भएको नेकपा माओवादीका प्रत्यक्ष उम्मेदवार कुम्भ बुढाले बताएका छन् । उक्त पार्टीले भोली विहिवार फागुन ७ गते खार्पुनाथ गाउँपालिका वडा नं १ प्युस गाउँमा २ सय वटा दाँते ओखरका विरुवा रोप्ने प्रत्यक्ष उम्मेदवार कुम्भ बुढाले बताएका छन् ।

उनको पार्टीले यस अघि सिमकोट गाउँपालिकाको वडा नं ८ स्याँडाबाट चुनावी प्रचार प्रसार कार्यक्रम सुरु गरी नाम्खा गाउँपालिकाको खंगालगाउँमा घरदैलो कार्यक्रम गरेको थियो । त्यसै गरी सोही पार्टी सिमकोट गाउँपालिका वडा नं १, २ हुँदै खार्पुनाथ गाउँपालिका वडा नं ५ मा चुनावी प्रचार प्रसार गरी सोही गाउँपालिका वडा नं १ गोप्का लालीलगायतका गाउँमा चुनावी घरदैलो गरी प्युस गाउँमा बास बस्ने भएको छ । त्यस पछि उक्त पार्टी सर्केगाड गाउँपालिकामा चुनावी प्रचारमा जाने जानकारी प्राप्त भएको छ ।