हिल्दुम विद्युत वितरण केन्द्रले आफ्नो सेवालाई विस्तार गर्दै लगेको छ । सदरमुकाम सिमकोटमा लोड सेटिङ बढी भए पनि सिमकोट बाहिरका गाउँमा विद्युत खपत कम भएकाले उक्त विद्युत वितरण केन्द्रले आफ्नो सेवालाई विस्तार गरेको हो । सदरमुकाम सिमकोटमा उद्योग,कल कारखाना, सरकारी कार्यालयमा कम्युटर, हिटर जस्ता इलोक्टोनिसका सामाग्री बढी चल्ने हुँदा लोड सेटिङ बढी हुने गरेको हो । सदरमुकाम बाहिरका खार्पुनाथ, सिमकोटकै वडा नं ५ र ६ बाहेका गाउँमा इलोक्टोनिसका सामाग्री बढी प्रयोग नहुने पछि लोड सेटिङ कम हुने भएकाले हिल्दुम विद्युत वितरण केन्द्रले आफ्नो सेवालाई विस्तार गरेको सोही केन्द्रका प्राविधिक विर्ष सिं दमाइले बताएका छन् ।

आज आइतबार विस्तार गरीएको विद्युत सेवामा कर्णाली प्रदेशको हुम्ला जिल्ला प्रदेश निर्वाचन क्षेत्र ख को सिमकोट गाउँपालिका वडा नं ८ खोल्सी गाउँ रहेको छ । उक्त गाउँमा विद्युत विस्तार गरी १८ घरधुरीमा बत्ती बल्न सफल भएको सोही गाउँका स्थानिय दलबहादुर शाहीले बताएका छन् । यस अघि सल्लाको दियालोमा रात विताउन बाध्य उक्त गाउँ स्थानिय आजबाट हिल्दुम विद्युत वितरण केन्द्रले वत्तीको व्यवस्था गरेपछि स्थानिय खुसी हुँदै हिल्दुम विद्युत वितरण केन्द्रलाई धन्यवाद समेत दिएका छन् । त्यसै गरी अन्य विद्युतको पहुँच नपुगेका सो गाउँका घरधुरीमा विस्तार गर्दै लैजाने हिल्दुम विद्युत वितरण केन्द्रका प्राविधिक वृषसिं दमाइले बताएका छन् ।