१५ माघ २०८२, बुधबार
राज शाही बुधबार, पौष २३, २०८२ मा प्रकाशित
आर्थिक वर्ष ०८२।०८३ को सार्वजनिक सुनुवाइ हुने भएको छ । उक्त सार्वजनिक सुनुवाइ कर्णाली प्रदेश हुम्ला जिल्लामा स्थापना भएका सरकारी कार्यालयहरुले गर्ने भएका हुन। चालु आर्थिक वर्षको साउन महिना देखि पौष महिनाको २५ गते सुक्रबार सम्म जिल्लाका संघ तथा प्रदेश सरकार मातहतमा रहेका सरकारी कार्यालयहरुले एकमुष्ठ सार्वजनिक सुनुवाइ गर्ने भएको सहायक प्रमुख जिल्ला अधिकारी राजेन्द्र चन्दले बताएका छन् ।
आर्थिक वर्ष ०८२।०८३ को साउन महिना देखि पौष महिना सम्म हुम्ला जिल्लाका सरकारी कार्यालयहरुले गरेका कार्य सम्पादन प्रति जनप्रतिनिधि, राजनितिक दल, स्थानियवासी,सेवाग्राही, पत्रकार नागरिक समाज लगायत सरोकारवाला निकायहरुबाट सुझाव संकलन गरी आगामी दिनमा सोही सुझावका आधारमा कार्यालयबाट प्रबाह हुने काम कार्यहरुलाई रुपान्त्रित ढंगबाट अगाडि बढ्ने आयुबर्दे स्वास्थ्य केन्द्र हुम्लाका प्रमुख डाक्टर चाहाना सर्माले बताएकी छन् ।
जिल्ला समन्वय समितिको सभाहलमा पौष २५ गते सुक्रबारका दिन विहान ठीक ११ वजे संचालन हुने सार्वजनिक सुनुवाइमा जिल्ला स्थित संघ तथा प्रदेश मातहतका सरकारी कार्यालयका प्रमुख अनिवार्य उपस्थितका लागी प्रमुख जिल्ला अधिकारी टेककुमार रेग्मीले ताकेता सम्म गरेका छन् ।
सरकारी कार्यालयहरुबाट कार्यसम्पादन भए गरेका सेवा प्रवाह, विकास व्यवस्थापन, र सुशासनका सम्बन्धमा सरोकारवालाबाट पृष्ठपोषण प्राप्तीका लागी यो सार्वजनिक सुनुवाइ जिल्ला प्रशासन कार्यालय हुम्लाको आयोजनामा गर्न लागिएको सहाय प्रमुख जिल्ला अधिकारी चन्दले बताएका छन् ।
अनुमति लिएर राखिएका हातहतियार बुझाउन अपिल
लोकतन्त्रको सुन्दर पक्ष निर्वाचन भएको , काँग्रेस उम्मेदवार रोकाया
प्रतिनिधिसभा निर्वाचनका लागि हुम्ला जिल्लाबाट ८ वटा दलले मनोनयन दर्ता
