०४ भाद्र २०८३, बिहिबार
राज शाही बुधबार, आषाढ १७, २०७७ मा प्रकाशित
स्याउको ब्यवासायीक रुपमा खेती गर्ने किसानहरुलाई फ्रुट टिपर बितरण गरिएको छ । धेरै बोट भएका किसानलाई स्याउ पाकेपछि सहज किसिमले टिप्नका लागि यी सामान बितरण गरिएका हुन । अहिलेसम्म पाकेका स्याउका रुखमा चढेर हातैले निकाल्ने गरिएकोमा अब भने सो साधनबाट स्याउ निकाल्न सहज हुने छ ।
असोज कार्तिकमा स्याउ बगैचामा पाकेका स्याउ निकाल्न किसानलाई निक्कै शास्ती परेको देखेर नै यी फ्रुट टिपरको ब्यबस्था गरिएको सिमकोट गाउँपालिका कृषि शाखाका प्रमुख नेत्र बहादुर शाहीले बताए । सो सामाग्रीको किसानहरुले माग गरे बमोजिम निशुल्क रुपमा गाउँपालिकाले बितरण गरेको हो । तीस बोट भन्दा बढी स्याउको बगैचा बनाउने ३५ जना किसानहरुलाई यी फ्रुट टिपर बितरण गरिएको हो ।
किसानले पाकेको स्याउ बचाउन निक्कै कठिन भै रहेको बेला यो साधनबाट स्याउ निकाल्दा सहज हुने गाउँपालिकाले बिस्वास लिएको छ । हातले फलेको बोटबाट स्याउ निकाल्दा खस्ने, चोट लाग्ने भएर स्याउ कुही रहेको बेला अब भने स्याउलाई सुरक्षित रुपमा निकाल्न सकिने छ । यी फ्रुट टिपर हुम्ला जिल्लामा पहिलो पटक ल्याइएका हुन ।
लैङ्गिक हिंसा, जातीय संवेदनशीलता तथा सामाजिक सद्भावसम्बन्धि कार्याशाला गाेष्ठी
विद्यालयमा दिवा खाजा कार्यक्रममा प्राकृतिक खेतीका उत्पादन जोड्न समन्वय
विषादी रहित स्थानीय उत्पादन विद्यालयको दिवा खाजामा प्रयोग
