हिमाली जिल्ला हुम्ला ४ वटा आरसिसि भवनको एक साथ उद्घाटन गरिएको छ । सो उत्घाटन कर्णाली प्रदेश हुम्ला जिल्लाको मध्य भेगमा रहेको सर्केगाड गाउँपालिका वडा नं ६ मा गरिएको हो ।

निर्वाचनका वेला शिक्षा स्वास्थ्य, रोजगारी, भोतिक संरचना सँगै जनताको घरदैलोमा सरकार भएको अनुभुति गराउने बाचा गरेका सर्केगाड गाउँपालिका अध्यक्ष ठानबहादुर रोकायाले ४ वटा आर सिसि भवनको एक साथ आइतबार उत्घटन गरेको नेपाल पत्रकार महासंघका जिल्ला सदस्य भक्तराज ऐडीले बताएका छन् ।

उद्घाटन गरिएका आर सी सी भवनहरुमा वडा कार्यालयको भवन, स्वयम्भू आधार भूत विद्यालय भवन, स्वास्थ्य कार्यालय र बर्थिङ सेन्टर भवन रहेका छन । एक कार्यक्रमको आयोजना गरि विधिवत रुपमा रिबन काटेर गाउँपालिका अध्यक्ष रोकायाले उत्घाटन गरेको जानकारी प्राप्त भएको छ । उद्घाटन कार्यक्रममा ६ नम्बर वडा कार्यालयका स्थानीय बासी, गाउँपालिकाका कर्मचारी र सुसा परियोजनाका संयोजक लगायतका कर्मचारीहरूको सक्रिय सहभागिता रहेको थियो।

उत्घाटन कार्यक्रममा गाउँपालिका अध्यक्ष रोकायाले आफु चुनावी अभियानमा गरेका केही प्रतिबद्दताहरु आज पूरा गरेको र अन्य गर्न बाकी रहेकाले ति पनि आफ्नो कार्यकालमा पुरा गर्ने बताएका थिए । सो कार्यक्रमा रोकायाले सर्केगाड गाउँपालिकाका हरेक वडामा सडक निर्माण कार्य भएको र आगामी आर्थिक वर्ष २०८३ भित्र लेख बराइ सम्म सडक निर्माण कार्य पुरा गर्ने समेत सोही कार्यक्रममा बताएको सदस्य ऐडीले बताएका छन् । जसका लागि ६ करोड बजेट विनियोजन गरिएको समेत सोही कार्यक्रममा स्थानियवासीलाई जानकारी समेत गराएका थिए ।

सर्केगाड गाउँपालिका वडा नम्बर ६ मा फोजी सेवा सुचारु हुँदा यहाँका स्थानियले सजिलै देश विदेशका खवर आदान प्रर्दान गर्न भएको र गाउँपालिकालाई पनि नेट इन्टरनेट‍बाट हुने कामहरु गर्न सहज भएको अध्यक्ष रोकायाले बताएका थिय । सोही उद्घाटन कार्यक्रमको अध्यक्षता सर्केगाड गाउँपालिका वडा नं ६ का वडा अध्यक्ष पदमबहादुर बारकोटे शाहीको र प्रमुख आतिथ्य सोही गाउँपालिका अध्यक्ष रोकायाको रहेको थियो ।