featured photo: Mansarowar Times

हुम्ला,

चंखेली गाउँपालिकाको गाउँसभा सम्पन्न भएको छ । आ.व २०७७÷०७८ को कुल बजेट साढे २८ करोड रहेको छ । यसमा सबभन्दा धेरै पूर्वाधार विकासमा रहेको छ भने सबभन्दा कम वातावरण तथा विपद व्यस्थापनमा रहेको छ ।

गापाको प्रस्तुत गरिएको बजेटलाई पाँच मुख्य शिर्षकमा विनियोजन गरिएको छ । जसमा वातारण तथा विपद व्यवस्थापनमा जम्मा ५ लाख रहेको छ भने आर्थिक विकासका लागि १ करोड ३७ लाख रकम विनियोजन गरिएको छ ।
संस्थागत विकास, सेवा प्रवाह र सुशासनका लागि ७ करोड ४६ लाख रकम रहेको छ । सामाजिक विकासका लागि ९ करोड ३४ लाख ४९ हजार रकम रहेको छ । पूर्वाधार विकासका लागि १० करोड ३९ लाख बजेट विनियोजन गरिएको उक्त गापाका उपाध्यक्ष विमला शाहीले जानकारी दिइन् ।
त्यस्तै सो गापाले आव २०७७ र ०७८ का लागि चालुतर्फ १८ करोड ६७ लाख ४५ हजार बजेट छुट्याएको छ भने पूँजीगतर्फ ९ करोड ८४ लाख ४५ हजार रहेको छ । यो गापाको कुल बजेट २८ करोड ५२ लाख ६६ हजार ४ सय रहेको छ ।