१६ माघ २०८२, बिहिबार
राज शाही सोमबार, मंसिर २३, २०८२ मा प्रकाशित
हुम्ला जिल्लाको सदरमुकाम सिमकोटको सामाजिक विकास कार्यालयमा निशुल्क लोकसेवा तयारी कक्षा संचालन समितिको बैठक बसेको छ । निशुल्क लोकसेवा तयारी कक्षा समितिका संयोजक इश्वर बहादुर सिंहको संयोजगत्वमा बसेको बैठकले ४ वटा निर्णय गरेको छ ।
जसमा नाम्खा, सिमकोट र खार्पुनाथ गाउँपालिकाबाट पुस १ अगाडी प्रारम्भिक व्यवस्थापन खर्च रु ६ लाख संकलन गर्ने,कर्णाली प्रदेश लोकसेवा आयोगका कार्यवाहक अध्यक्ष बसन्ती कुमारी शाहीको प्रमुख आतिथ्यमा भव्य समारोहका बीच उद्घाटन गर्ने, सम्बन्धित पालिकाको हिउदे सभाबाट कार्यविधि पारित गर्न मस्यौदा पेश गर्ने र कक्षा सन्चालनको लागि संयुक्त खाता संचालन गर्ने संयोजक सिंहले बताएका छन् ।
उक्त बैठकमा निशुल्क लोकसेवा तयारी कक्षा समितिका संयोजक इश्वरबहादुर सिंह सदस्य विशाल बोहोरा, लोकेन्द्रकुमार शाही, धनन्जय जेठारा, डम्बर खराल, कृष्ण प्रसाद आचार्य र कुन्जोक लामाको उपस्थित रहेको थियो । त्यसै गरी आमन्त्रीतमा सिमकोट गाउँपालिका अध्यक्ष विजय भण्डारी, खार्पुनाथ गाउँपालिका अध्यक्ष कर्णबहादुर रावल, नाम्खा गाउँपालिकाका उपाध्यक्ष तक्दिर लामा, सिमकोट गाउँपालिका प्रमुख प्रशासकिय अधिकृत बर्ष बहादुर फडेरा,धुर्व शाही, मानबहादुर शाहीको उपस्थित रहेको थियो ।
अनुमति लिएर राखिएका हातहतियार बुझाउन अपिल
लोकतन्त्रको सुन्दर पक्ष निर्वाचन भएको , काँग्रेस उम्मेदवार रोकाया
प्रतिनिधिसभा निर्वाचनका लागि हुम्ला जिल्लाबाट ८ वटा दलले मनोनयन दर्ता
