सिमकोट गाउँपालिका न्यायीक समितिमा चालु आर्थिक वर्षमा ११ वटा निवेदन अर्थात फिराद पत्र दर्ता भएका छन् । दर्ता भएका फिराद पत्र मध्य ३ वटा फर्च्छौट भएको सिमकोट गाउँपालिका न्यायिक समिति दर्ता अधिकारी गंगा बुढाले बताएकी छन् । फर्च्छौट भएका निवेदनहरुमा कामदारले ज्याला नपाएको, झैझगडा र लेनदेनका रहेका छन् ।

स्थानिय सरकार संचालन ऐन २०७४ को दफा ४७ को उपदफा १ र २ बमोजिमको कानूनि प्रक्रिया अपनाइ मेलमिलापको माध्यमबाट फर्च्छौट गरिएको सोही गाउँपालिका उपाध्यक्ष एव न्यायीक समितिका संयोजक सुशिला रोकाया भामले बताएकी छन् ।

बाँकी रहेका ८ वटा निवेदन चालु अवस्थामा रहेको र निवेदकहरुलाई तारेखमा राखिएको र विपक्षीलाई म्याद जारी गरी सकिएको र उनीहरुको जवाफ आउने वितिकै स्थानिय सरकार संचालन ऐन २०७४ को दफा ४७ को उपदफा १ बमोजिम मेलमिलाप नभए फर्च्छौट गरिने र २ बमोजिमका निवेदन मेलमिलापको प्रक्रिया अपनाइने मेलमिलापको नभए सम्बन्धित कार्यालयमा जानका लागी सिफारिस गरिने उपाध्यक्ष रोकायाले बताएकी छन् ।