हुम्ला जिल्ला खार्पुनाथ गाउँपालिका वडा नं ४ माजा गाउँका आगलागी पीडितलाइ राहत उपलब्ध हुन थालेको छ । सोही गाउँपालिका वडा नं ४ मा स्थापित मष्ठादेव आधारभुत विद्यालय माजाले आज बुधबार एक कार्यक्रमको आयोजना गरि १५ हजार आर्थिक सहयोग गरेको सोहि विद्यालयका प्रधानाध्यापक नन्दबहादुर शाहीले बताएका छन् ।

विद्यालयको आर्थिक अवस्था कम्जोर भएको भए पनि आगलागी पीडितको पीडालाई बुझि १५ हजार सहयोग गरेको सोही विद्यालय व्यवस्थापन समितका अध्यक्ष डमन कुमार रोकायाले बताएका छन् ।

नेपाल रेडक्रस सोसाइटी हुम्ला जिल्ला शाखाले पनि तत्कालका लागी बास वस्न ओड्ने ओछाउनका लागी केही सामाग्रीहरु उपलब्ध गराएको छ । रेडक्रस सोसाइटी हुम्ला जिल्ला शाखाबाट उपलब्ध गराइएका सामाग्रीहरुमा त्रिपाल एक थान, कम्पल तिन थान, रातो कपडा एक थान, सादा कपडा एक थान, सल दुइ थान, बाल्टी एक वटा र म्याटीस एक थान रहेको सोही शाखाका मन्त्री अर्जुन बोहोराले बताएका छन् ।