हिमाली जिल्ला हुम्लामा जेठासी बाली लगाउने कार्यको चटारो बढेको छ । यस अघि कार्तिके बालि भित्रायका किसान यति वेला जेठासी बाली लगाउनमाव्यस्त देखिएका हुन । कार्तिके वाली कोदो, चिनो, फापर, आलु, सिमी, चोतो र मास भित्राइ सकेपछि जेठासी बाली गहु, जौहु र उवा लगाउनमा किसान व्यस्त देखिएका छन् । जिल्लाका धान पाक्ने खेत देखि लिएर पाखो जमिनमा समेत किसान जेठासी बाली लगाउनमा व्यस्त रहेको स्थानियवासी गोर्ख रोकायाले बताएका छन् । खेतवारीमा हिउ परि नसकेको र जमिनमा चिस्यान रहेकै वेला उवा, जौउ र गहुँ लगाउन सहज हुने उनले बताएका छन् ।

हुम्ला जिल्लामा दिन प्रतिदिन जाडो बढ्दै गएको र जमिनमा हिउ परेपछि जमिनमा बरफ जम्ने र जोत्न गोह्रो हुने भएका कारण किसानले यति वेला देखि नै जेठासी बाली लगाउन सुरु गरेको उनले बताएका छन् । अहिले जमिनमा छरेको जेठासी बाली माथि हिउ पर्दा खेतवारीमा भएको पात पतिङगर हिउले च्याप्ने र मलमा परिणत भइ उवा, जौउ र गहुँ राम्रो उत्पादन हुने उनले बताएका छन् । जिल्लाका जन प्रतिनिधि देखि बास्तविक किसानहरु आफ्नो कृषि कार्यमा दिन रात नभनी खटिने गरेको पाइएको छ ।