कर्णाली प्रदेश हुम्ला जिल्ला खार्पुनाथ गाउँपालिकाका न्युन आयश्रोत भएका घरधुरीलाई जस्तापात सहयोग गरिएको छ । उक्त जस्तापाता खार्पुनाथ गाउँपालिका वडा नं १ देखि ५ नं वडा सम्मका ३३ घरधुरीलाई उक्त जस्तापाता सहयोग गरिएको खार्पुनाथ गाउँपालिका वडा नं ५ का वडा अध्यक्ष भरतजंग शाहीले बताएका छन् । यस अघि दिनु पर्ने उक्त जस्तापाता दिने निकायबाट रकम निकासा नहुँदा रोकिएकाले पुनः रकम निकासा हुँदा वितरण गरिएको अध्यक्ष शाहीले बताएका छन् ।

प्रति घरधुरी नौ फिटे ४० एम एम का १४ पाता वितरण गरिएको हो । गरिव न्युन आयश्रोत भएका घरधुरी छनौट यस अघि गरी सुरक्षित नागरिक आवासका लागी सो जस्ता पाता वितरण गरिएको हो । घरको माथिल्लो तला अर्थात स्थानिय भाषामा (पाँण)लाई छाउनका लागी सो जस्ता पाता सहयोग गरिएको हो । यस कार्यक्रमले विपन्न तथा असाय परिवारलाई सुरक्षित आवास निर्माणमा सहयोग पुर्याउने उद्देश्य राखेको वडा अध्यक्ष शाहीले बताएका छन् ।

खार्पुनाथ गाउँपालिकाको पहल र सहरी विकासको आर्थिक सहयोगले टिन वितरण कार्यले आवास सुधारमा महत्वपुर्ण योगदान पुर्याउन अपक्षा पालिकाले लिएको पनि थप जानकारी प्राप्त भएको छ ।