featured photo: Mansarowar Times

एआई–डिजिटल गाई र भैँसी बीमा सम्बन्धी एक दिने तालिम सम्पन्न भएको छ । उक्त तालिम कर्णाली प्रदेश हुम्ला जिल्लाको सदरमुकाम सिमीकोटमा सोमबार सम्पन्न भएको हो । यु एन डी पी नेपाल र युनाईटेड अजोड इन्स्योरेन्सको साझेदारीमा एआई–डिजिटल गाई र भैँसी बीमा सम्बन्धी एक दिने तालिमको आयोजना गरिएको थियो। कृषि र पशुपंक्षिहरुको बीमालाई प्रविधि मैत्री बनाउने उद्देश्यले तालिम सञ्चालन गरिएको कृषि विभागका राजन धमलाले जानकारी दिएका छन ।

पछिल्लो समय हरेक काममा सामाजिक सञ्जालको प्रयोग भए संगै कृषि तथा पशु क्षेत्रमा पनि एआईले डिजिटल एफको विकास गरेको उनले जानकारी दिएका छन । उक्त एआई–डिजिटल एफबाट बीमा सम्बन्धी गरिने कामको बारेमा हुम्लाका पशु र कृषि प्राविधिकहरुको क्षमता अभिवृद्धि गराईएको कृषि विभागका धमलाले बताएका छन । तालिममा डिजिटल एआइ भनेको के हो, यसलाई कसरी प्रयोग गर्न सकिन्छ, कृषि फर्म र पशुहरुको अनलाईनबाट फम भर्ने तरिका, यसबारे कृषि तथा पशुपालक किसानलाई गराई सचेतिकरण लगाएतका विषयमा जानकारी गराईको युनाइटेड अजोड इन्स्योरेन्स लिमिटेड शाखा कार्यलय हुम्ला प्रमुख बिनिता बुढाले बताइएकी छन ।

एक दिने तालिममा हुम्ला जिल्लाका प्राविधिक, अभिकर्ता र अन्य सरोकार वाला गरी करिब १० जनाको सहभागीता रहेको थियो। कृषि विभागका विज्ञ राजन धमला र कृषी बिज्ञ ललित बिसीले तालिमको प्रशिक्षण दिएका थिए भने सहजीकरण युनाइटेड अजोड इन्स्योरेन्स लिमिटेड शाखा कार्यलय हुम्लाका प्रमुख बिनिता बुढा र प्राविधिक मनु लामाले गरेका थिए ।