२० मंसिर २०८२, शुक्रबार
राज शाही आइतबार, साउन २६, २०८२ मा प्रकाशित
एक महिना देखिको परेको अविरल वर्षाले कर्णाली प्रदेश हुम्ला जिल्लाको एक वटा विद्यालय भत्किएको छ । विद्यालय भत्किनेमा हुम्ला जिल्ला सर्केगाड गाउँपालिका वडा नं ७ रोडिकोट गाउँको रहेको छ । यस अघि माध्यामिक विद्यालय संचालन हुँदै आएको कोट माध्यामिक विद्यालयको आधारभुत तहको ६ कोठे दुइ तले भवन अविरल वर्षाले भत्किएको स्थानियवासी ओम प्रसाद जैसीले बताएका छन् ।
कोट माध्यामिक विद्यालय रोडिकोट आवासिय विद्यालयको नयाँ भवन निमार्ण गरी सिमाली भन्ने ठाउँमा सरेपछि उक्त विद्यालयको नाम कोट डाँडा आधारभुत विद्यालयको नामबाट कक्षा १ देखि ५ कक्षा सम्म हाल संचालन हुँदै आएको छ । गत साउन १९ गते राती परेको अविरल वर्षाले २ तले ६ कोठे भवन पर्णरुपमा भत्के पछि विद्यार्थी बाहिर चौरमा पठन पाठन गर्न वाध्य भएको जैसीले बताएका छन् ।
यस अघि माध्यामिक तहका लागी निर्माण गरिएका केही भवन पुराना र जिर्ण भएको, ति भवनमा साना बालबालिकालाई पठन पाठन गराउदा बालमैत्री नहँदा विद्यार्थीलाई असहज हुने गरेको जैसीले बताएका छन् । उक्त विद्यालयमा हाल १ सय ५० जना बालबालिका अध्ययन गर्दै आइ रहेका छन् । उक्त विद्यालय भवन पुनः निर्माणका लागी सरोकारवाला निकायलाई ध्यानाकर्ण गराइएको जैसीले बताएका हुन ।
छ कोठे २ तले भवन भत्कदा सो विद्यालय भित्र रहेका बालबालिका अध्यनका लागी प्रयोग हुने डेक्स वेन्च कार्पेट खेल सामाग्री सबै नष्ट भएको जैसीले बताएका छन् ।
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
मोतिया विन्दु सल्यक्रिया र हेपाटाइटिस बि सम्बन्धिको भ्याक्सिनेसन शिविर
