महिनावारी स्वच्छता व्यवस्थापन सम्बन्धी अभिमुखी तालिम सुरु भएको छ । ३ दिन सम्म संचालन हुने उक्त तालिम जिल्लाको सदरमुकाम सिमकोटमामा मंगलबारबाट सुरु भएको छ । सिमकोट गाउँपालिका वडा नं ४ का लागी संचालन भएको उक्त तालिममा सोही वडाका जनप्रतिनिधि, महिला स्वयमसेवीका, स्वास्थ्यकर्मी, शिक्षकहरुको उपस्थित रहेको छ ।

मंगलबार विहान १० बजेबाट हुम्लाको मानसरोवर होटलमा संचालन भएको तालिममा महिला र पुरुषको प्रजनन अंग, सामाजिक र प्राकृति लैङ्गिक तथा यौनिक अल्पसंख्यक समुदायको समनताको बारेमा अष्ट्रिलिया साझेदारी संस्थाका कार्यक्रम संयोजक डिचेन डोल्कार लामाले प्रशिक्षण गराएकी थिइन । छाउ हुँदाका बखत प्याड व्यवस्थापन, व्यक्तिगत सरसफाइ, छुवाछुत लगायतका विषयमा उक्त तालिममा सिकाइएको थियो । बुधबार स्थानिय स्तरको सेनेटरी प्याड उत्पादन गर्ने विषयमा तालिम दिइने सोही संस्थाका संयोजक छपाल दोर्जे लामाले बताएका छन्