२० मंसिर २०८२, शुक्रबार
राज शाही बुधबार, साउन १५, २०८२ मा प्रकाशित
नेपाल विद्यार्थी संघ हुम्ला काठमाण्डौ सम्पर्क समिति द्धारा एस इइका विद्यार्थीहरुलाई बधाइ तथा सम्मान कार्यक्रम संचालन गरिएको छ । उक्त कार्यक्रम साउन १० गते नेपाल प्रज्ञा प्रतिष्ठिन, कमलादीमा नेपाल विद्यार्थी संघ हुम्ला काठमाडौ सम्पर्क समिती द्वारा आयोजना गरिएको हो । सतल रोकायाको अध्यक्षता र नेपाली काँग्रेस हुम्ला जिल्ला पुर्व सभापति जयपति रोकायाको प्रमुख आतिथ्यमा संचालन भएको कार्यक्रममा नेपाली काँग्रेसको भातृ संघ नेपाल विद्यार्थी संघ प्रति आस्तवान देशै भरका नेता तथा कार्यकर्ताको उपस्थित रहेको रोकायाले बताएका छन् ।
विशिष्ट अतिथीको रुपमा रम्बा शाही र शुशिला रोकाया रहेको कार्यक्रमा नेपाल विद्यार्थी संघ चलायमान बनाउनका लागी नेवि संघका नेता तथा कार्यकर्ताको अहम भुमिका रहेको र जिल्ला जिल्लामा आफ्नो संगठन विस्तार गरी जनताका जल्दा बल्दा आवाजलाई बुलन्द पार्नु पर्नेमा जोड दिएको जानकारी प्राप्त भएको छ । सोही कार्यक्रममा बोल्ने वक्ताले नेपाली काँग्रेस भित्र एक अर्कामा दोषारोपण नगरी एक ढिक्का भएर लाग्नु पर्नेमा पनि जोड दिएको संयोजक सतल रोकायाले बताएका छन् ।
सोही कार्यक्रमा हुम्लाका ४० एस इइ पास गरेका विद्यार्थी र काठमाण्डौ जिल्ला अदालत बार एसोसियसनको निर्वाचनमा निर्वाचित सदस्य अधिवक्ता रामबहादुर शाहीलाई बधाइ तथा सम्मान गरिएको रोकायाले बताएका छन् । उक्त कार्यक्रममा नेपाल विद्यार्थी संघ हुम्लाका अध्यक्ष धर्मराज जैसीले नेपाल विद्यार्थी संघ हुम्ला काठमाण्डौ सम्पर्क समितिलाई आगमी दिनमा चलायमन बनाउन आफ्नो साथ सहयोग संधै रहिरहने बताएका थिए । उक्त कार्यक्रम संचालनका लागी आर्थिक सहयोग सहित साथ सपोट गर्ने सम्पूर्ण व्यक्तिहरुमा हार्दिक धन्यवाद दिदै आगामी दिनहरूमा अझ प्रभावकारी रूपमा संचालन हुने गर्ने संयोजक रोकायाले बताएका छन् ।
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
मोतिया विन्दु सल्यक्रिया र हेपाटाइटिस बि सम्बन्धिको भ्याक्सिनेसन शिविर
